3223/2022-2023
Dated Serchhip, the 12th January, 2023: Vawiin chawhnu dar 1:00 khan Pu K. Saitluanga, MIS, DIPRO Serchhip District leh Dy. Director, I&PR chuan MJA Serchhip District memberte kumthar thingpui inpuiah sawmin a pisa-ah inkawm hona hun an hmang.

DIPRO chuan thusawiin MJA memberte chu duhsakna nen kumthar chibai a buk a, Kum kalta zawng zawngah tha taka an thawh ho tawhna ah lawmthu hrilhin, sawrkar hmalakna hrang hrangahte kumtluana tha taka thawh ho puiah a sawm a. Chanchinbu miten hamthatna an dawn theih tur thilah pawh rualkhai taka kal tlan dial dial anih theih nana hmalak anih thin thu a sawi a, I&PR Serchhip District Office-ah chanchinbu mite inti neitu taka awm turin a chah a ni.

Pu C. Lalhminghlua, President MJA Serchhip District pawhin thusawiin DIPRO in duhsak taka leng tura a sawm avang leh thawhho puia a sawmnaah lawmthu a sawi a, MJA te leh I&PR Department ten thawh hona tha tak an neih avangin lawmthu a sawi bawk. Tunlai khawvelah Social Media in nasa taka min tuam mek laiin sawrkar leh mipuiin rintlaka an ngaih chu Chanchibu mite an nih thu sawiin tha lehzual zawk leh hmasawn tura hna thawk tura inbuatsaih a tul thu a sawi a. Ram leh mipui tana rawng an bawlna anih thu a sawi bakah thu laila taka an din tlat a tul thu a sawi bawk. Thudik leh rintlak chauh tarlang thin tura infuihin, zau zawka hmalak theih nan inzir zel turin leh an hna zahawmna humhim zel turin fuihna a sawi bawk.

He hunah hian MJA memberte an tel tha hle a, inkawmhona hun an hman zawh hian thingpui an in ho nghal a ni.