3222/2022-2023
Aizawl, the 12th January 2023: Vawiin chawhma khan Vanapa Hall-ah Transport Minister Pu T.J. Lalnuntluanga chuan Road Safety Week 2023 hawnna leh Transport Department officer te leh staff te chu kumina an hnathawhna leh hmalak zelna atan inhlantharna hun a hmanpui.

He hunah hian Transport Minister chuan fuihna thu sawiin mipui rawngbawltu department an nih anga tan la thar leh turin Transport Department a thawktute a sawm a. Dan hnuaia awm kan ni tih inhrerengin Department hmalakna tura ruahman chhawpchhuah te dan in a phal chinah hma kan la zel ang a, theihtawp kan chhuah ang tiin a sawi a. Dan zawmtute tan dan thar thenkhat te hi a hlauhawmloh thu sawiin vawiin a kan intuaitharna hunah hian kan thinlung leh ngaihtuahna hi siamtharin awm se kan hna kan thawh hian ram hmasawnna atana thawk kan ni tih inhre nawn leh ila, chu hmasawnna tur a tan mimaltin kan pawimawh a ni a ti a. Minister chuan Transport Department a thawkte chu social media zalenna hman thiam leh hmang that kawngah an fakawm thu a sawi a, sawrkar hnathawkte chuan an tih tur a tih mai hian ram rawng an bawl a ni tih in hrerengin rorelna tha, good governance thlen theihnana pawimawh ber pakhat a nih thu a sawi a. Thawktute chu an taksa hrisel bakah ngaihtuahna hrisel, rilru hrisel neia sorkar hna thawk a, chutiang nei tur pawh a tan la sauh sauh turin a ngen a.

Minister Pu T.J Lalnuntluanga kum 2023 Road Safety Week denchhen hian lam liana chetsualna laka kan him theihnan leh chetsuala hrang hrang kan pumpelh tlan theihnan dan in a phalloh, rui chunga motor khalh lo turin leh traffic rules leh regulation te tha taka zawm a, motor hlui hralh/tihral dawn a motor in tawhsual a tawh palh a kan buai loh nan hmingthlak (ownership transfer) ti ngei thin turin mipuite a chah bawk a ni.

Road Safety Week 2023 chungchang Pu Lalrinawma JD chuan a sawi a. Er R.Lalrammawia, Director chuan Transport Department hmalakna hrang hrangte a tarlangin ni 13.12.2022 thlenga driving license  pekchhuah 47,1095 leh lirthei register 27,8144 a awm thu a sawi a. Pu Lalrinawma, Under Secretary chuan lawmthu sawiin he hun hi a khar a ni.