DIPR’S UPDATE ON COVID-19 DATE: 03.04.20, TIME: 9:00PM
# VAWIIN A CM RELIEF FUND A PUIHNA LUT TE
Vawiin khan COVID-19 do nan CM Relief Fund a mi tur a hnuai a mi te hnen atang hian puihna sum dawn a ni:
1) HE Governor P.S.Sreedharan Pillai - 2,00,000
2) Officers & Staff Welfare, Forensic Science Loboratory, Mizoram - Rs. 1,01,000 (An ni 2 hlawh)
3) Indian Veterinary Association - Mizoram Branch - Rs. 2,67,200
4) J.J Security Service - Rs. 5,000
5) Mizoram Civil Pensioners Assn.- Rs. 1,00,000
6) Ex-MNA, Vanapa Bn.welfare - Rs. 10,000
7) Hnam Chhantu Pawl - Rs. 10,000
8) Mars Photo Lab, Dawrpui - Rs. 14,500
9) Thuampui MNF Group - Rs. 20,000
10) Mizoram Transport Workers Assn. - Rs. 1,00,000
11) I&PR Department - Rs. 1,32,020
12) Mizoram Wesleyan Methodist Church - Rs. 50,000
13) Officers of EF&CC - Rs. 2,26,000
14) Bible Believing Evangelical Church(BBEC) - Rs. 20,000
15) Officers & staff, Social Welfare Deptt. - Rs. 9,89,613
16) MNF Sub Hqrs., Lunglei - Rs. 20,000
17) Nidhi Creative Infrastructure Pvt.Ltd. - Rs. 2,00,000
# HRIATTIRNA
Bhupesh Chaudhary IAS,Deputy Commissioner, Siaha District chuan a hnuaia mi ang hian thuchhuah a siam.
Covid-19 lockdown chhunga mimal lirthei vei vak mai mai a awm loh nan leh tul bik thila tlan chhuak pawh a mumal zawk theih nana viltu tur FLYING SQUAD pathum din a ni a, MTP, General Headquarters-in a vil zui dawn a ni. Siaha pawn lamah erawh chuan a tul angin MTP, Sub-Hqrs in a bawhzui ang.
Flying Squad te chuan khawpui chhunga lirthei tlan uluk takin an vil ang a, phalna nei loa chhuak te an let tir zel ang.
VLTF tinah lirthei hman phalna lehkha (Token) panga (5) theuh pek an ni ang a, he lehkha hmang hian tul bik thilah chauh lirthei kengin chhuah theih a ni ang. *Tul bik thil tak anih loh chuan vawikhat ah phalna lehkha pathum bak pek chhuah theih a ni lo a, phalna pek hmasak lirthei a lo let leh hma chuan adang pahnih pawh pek chhuah loh tur a ni.*
Tin, Flying Squad-te hian a tul leh mamawh ang zelin VLTF te an enpui thin ang.
He thupek hian office hnathawktu phalna neite leh mipui nitin mamawh phurtu lirthei sawrkar in a phalsak te a huam lovang.
Flying Squad te chu ahnuaia hming tarlan te hi an ni :-
GROUP-1
1. Pu. S. Vabeihasa
2. Pu. Reuben Hlychho
3. Nl. Golden Merry Solo
4. Pu. V. Samson
5. Pu. John K. Roma
6. Dr. V. Beizakhaw
7. Pu. H. Vabeikhai
8. Pu. LC. Beimosia
9. Pu. A. Chahmo
GROUP-II
1. Pu. Pakhaw Chozah
2. Pu. Pahmo Hlychho
3. Pu. J. Ngochyu
4. Pu. L. Beirangia
5. Pu. CL. Hranga
6. Pu. LH. Vabei
7. Pu. TT. Khulua
8. Pu. TT. Vabeichhuahkhu
9. Pu. C. Sakhawliana
GROUP -III
1. Pu. Beirokhu Beita
2. Pu. Sahlo Bohia
3. Pu. S. Zahli
4. Pu. A. Thazi
5. Pu. N. Solomon Beihlotha
6. Pu. NT. Hrasia
7. Pu. S. Chabei
8. Pu. H. Beiradua
9. Pu. P. Robert
# FORENSIC SCIENCE LABORATORY THAWK TEN AN NIHNIH HLAWH CM RELIEF FUNDAH CHHUNGLUT
Vawiin khan Forensic Science Laboratory a thawkte chuan an ni 2 hlawh theuh thawh khawmin a vaia sum tling khawm Rs 1,01,000/- chu COVID-19 hrileng dona atan Chief Minister's Relief Fund-ah an chhunglut.
# AGRICULTURE DEPARTMENT HRIATTIRNA
Agriculture Department chuan COVID-19 avanga Lockdown leh Curfew chhunga lonei tu ten an harsatna an thlenna tur hmun (Farmers’ Help Line) a buatsaih a, chawhma dar 10 atanga chhun dar 2 thleng heng phone number ah te hian biak theih a niang.
0389 2328564
0389 2311160
# LAWNGTLAI BAWRHSAPIN COVID-19 HRI LENG MEK CHUNGCHANGAH THUPEK THAR A CHHUAH
April ni 2, 2020 khan Lawngtlai Bawrhsap, District Disaster Management Authority Chairman ni bawk Pi Shashanka Ala, IAS chuan Disaster Management Act 2005 section 30-na leh The Mizoram Epidemic Diseases (COVID-19) Regulations, 2020 section 11-nain thu neihna a pek angin COVID-19 hri leng mek chungchangah a hnuaia mi ang hian Lawngtlai District chhunga hman turin thupek thar a chhuah.
1. Mipui hnena thu puanzar tur COVID-19 kaihhnawih reng reng ziakin emaw, WhatsApp leh text message kal tlangin emaw, veng chhung information centre kal tlangin emaw pawh ni se, District Level Task Force (DLTF) phalna emaw, hriatpuina emaw lak hmasak phawt loh chuan thu eng mah mipui hnena tlangzarh tur a ni lo vang. Thu chhuah tur reng reng DLTF phalna/hriatpuina lak phawt hnuah bialtu incident commander-te leh village level task force (VLTF)-te hriattir a nih hnuah chauh puanzar thin tur a ni ang.
2. A tel lova kan awm theih loh bungrua (essential commodities) phur motor-te hi Thingkah Screening Point-ah en fiah a ni ang a, a tul dan angin 'vehicle pass' pek a ni ang. Thingkah Screening Point duty-te'n 'vehicle pass' an pek tawh chu an kalna tur an thlen hma loh chuan khawiah mah lo tihdin tawh tur a ni lo vang.
3. Essential commodities bungraw phur motor-te an tum ram an thlen hma hauhvin hmun thenkhatah chuan lo tidingin an bungraw phurhte hi an lo leisak mai thin a ni tih hmuh chhuah a ni a. Hei hi tih tawh loh tur a ni ang. Tun ang hunah hian bungruate hi kan mamawh ang thovin hmun dangah pawh mamawh a ni a, mi dang chan tur lo lak pensak mai hi tih tawh loh tawp tur a ni.
4. Lawngtlai town area bikah hian hmun 4-ah barricade point siam a ni a, chu'ngte chu:
a. Thingkah Screening Point
b. Forest Checkgate, Lawngtlai-Diltlang-Parva Road
c. 71 RCC
d. Council Veng
He'ng barricade point-ah te hian lirthei (essential commodities phurtu ni lo) vehicle pass an en dik ang. He'ng barricade point-ah te hian VLTF member 2 leh police 1 theuh duty dah a ni ang.
He'ng barricade point duty ni lo, veng chhung hmun hrang hranga duty-te chuan vehicle pass hi an tiding/endik tawh tur a ni lo vang a, mipui nawlpui pawn chhuah leh chhuah loh/pawn chhuah dan te an endik thung ang.
5. District administration lam atangin Pu Hmingmawizuala, Executive Magistrate chu Areopagy-ah station a ni ang a, Lawngtlai District tana essential commodities phur motor in-unload tur reng reng a hnenah an in-report phawt tur a ni ang a, a hriatpuina leh enpuina lovin eng motor mah an in-unload tur a ni lo vang.
A chunga thupekte khi mipuite that tlanna tura duan a ni a, chu vangin, Lawngtlai District mipuite zawm theuh tura ngen leh hriattir an ni. Zawm lo an awm a, man an nih chuan an chungah dan anga action lak a ni ang.
# SUPREME COURT THU ANGIN JAIL TANGTE CHHUAH AN NI
Covid-19 hripui leng vanga Jail tawt lutuk tih ziaawm nan Supreme Court thu anga Mizoram Sawrkar-in Gauhati High Court Judge Pu Michael Zothankhuma Chairman-na hnuaia a din High Power Committee chu vawihnih lai an thukhawm tawh a. He High Power Committe thutlukna bawhzui hian Mizoram chhung Jail hrang hranga tang mek thiam loh chang convict tawh te zinga an tan hun hmang zo tep tawh mi 48-te chu sawrkarin in ngaihdamna “Remission” pe in vawiin khan chhuah zalen an ni a, anni bakah hian pawikhawihtu, an chungthu ngaihtuah mek “Under Trial Prisoners” mi 290 ( vawikhat thil tihsual vanga mante ) chu Court-in PR bond-in a chhuah bawk a, an vaiin tang 338 chhuah tir an ni.
Heng tang chhuahte hi High Power Committee rel angin an chenna in thlenga thlah turin an awmna District-a Deputy Commissioner leh Superintendent of Police theuh te hma la tura tih an ni.
# SERCHHIP DISTRICT AH FEH CHHUANLAMA RAMVAH LEH LUI KAL KHAP
Vawiin hia Serchhip District Magistrate Pu H. Dolianbuaia, MCS chuan Total Lockdown laia feh chhhuanlam chunga a ruka lui kal te, ramvah te khapna thupek a hnuaia mi ang hian a tichhuak.
Sawrkar laipuiin COVID-19 hri leng mek avanga Total Lockdown a puan chhungin feh kal tur anga insawi, a ruka lui kal leh ram vah ching an tam niin ka lo hria a, heng mite hian fimkhur lohna avanga kangmei tichhuakin kan district chhung hmun tam takah ram kang a awm a, hei hian buaina nasa tak min thlen a ni.
Chuvangin, Kei, H. Dolianbuaia, District Magistrate, Serchhip District chuan Sec. 144 CrPc. 1973 in thuneihna min pek angina a hnuaia tarlan ang hian khapna thupek ka chhuah e.
Total Lockdown hun chhungin ramvah leh lui kal khap tlat a ni.
Feh tur anga insawi ten lockdown chhungin Silai, Airgun leh Sairawkherh ken chhuah khap tlat a ni. Lo keng lui an awm chuan Local Task Force duty ten man sakin thuneitute hnenah an hlan ang. Hei hian tul bik thila VLTF ten phalna an pek a huam lovang.
Ram tikang lo turin mitinte fimkhur thar tur leh Village Council pawhin mipuiah zirtirna nasa tak pe tur leh puang zar turin kan ngen e.
He thupek zawm lote chu IPC Sec 188 hmangin hrem an ni ang. He thupek hian sut leh a nih loh chuan chhuah a nih atanga thla hnih (2) chhung a huam ang.
He thupek hi Court Seal-a nemnghetin vawiin ni 03.04.2020 hian ka hming ka ziak hnan e, tiin.
# SERCHHIP DISTRICT COVID - 19 TASK GROUP IN TRANSPORT DIN
Vawiin hian Serchhip District Bawrhsap Pu. H. Dolianbuaia, MCS chuan, COVID - 19 Task Group on Transport Committee, Mizoram in 1st April, 2020 a a rel bawhzuiin ; a hnuaia mi ang hian COVID - 19 Task Group on Transport, Serchhip District a siam.
Nodal Officer : Pu Samuel Zodinsanga, MCS, SDC, Ph: 9862409765
Members:
1. Pu. Lalrohlua, MVI, Transport Department, Serchhip, Ph : 7005340163
2. Pu Malsawmtluanga, SI (MTO) Serchhip Police Station, ph: 8974257164/9366782492
3. Pu S. Lalpianga, President, ZDU, Sub-,hqtrs, Serchhip, ph : 9089174946
# SIAHA RD BLOCK HNUAIA SELF HELP GROUP TE SIAM MASK LEH PPE SUIT TE CHU DISTRICT LEVEL TASK FORCE COMMITTEE ON COVID-19 HNENAH HLAN A NI
Siaha RD Block hnuaia Self Help Group te siam- Mask leh PPE suit te chu Pu Bhupesh Chaudhary IAS, Deputy Commissioner & Chairman District Level Task Force Committee on Covid - 19, Siaha hnenah hlan a ni.
Covid -19 laka invenna atan Siaha RD Block hnuaia SHG VO member Pi Pianglawmi Agape SHG; Pi Dinglianchhungi Estheri SHG leh Pi Lalnunchhungi Hnawmtlang SHG, Amobyu -'V' te chuan hmaithuamna -Mask leh Personal Protection Equipment(PPE) suit thahnem tak an thuisak a, an thuina hmanrua hi BDO, Siaha Office in an tumsak a ni. Heng Mask leh PPE suit te hi Siaha Block aiawhin Pu Ngulzathuama, MCS, BDO leh Block Mission Director MzSLRM ni bawk chuan Pu Bhupesh Chaudhary, IAS, Deputy Commissioner & Chairman, District Level Task Force, Siaha hnenah a hlan a ni. SHG te thui mask leh PPE te hi Gov’t Quarantine Centre-1, Siaha a hman tura hlan chhawn a ni.
Heng bakah hian SHG leh Village Organisation (VO) hrang hrang ten pawisa fai avaiin Rs.38,000/-(Cheng singthum sangriat)an awmna khua a Village Level Task Force (VLTF) te hnenah tanpuina anlo pe tawh bawk.
Pawisa fai tanpuina bakah Marthi SHG Noaotla-II te chuan AGEY Sumo chu VLTF ten a tul ang ang a an hman tur in an thawh a, Pi Dawdawh Hlychho, Pawpi SHG member Chakhei-I chuan VLTF hman tur PPE chikhat silpaulin pan chi leh sarang hmangin a thuisak bawk a ni.
# NEW COLONY, MARA THYUTLIA PY (MTP) BRANCH, SIAHA TEN GOV’T QUARANTINE CENTRE –1 AH TANPUINA AN HLAN
Vawiin chawhnu dar 4:00 pm khan New Colony, Mara Thyutlia Py (MTP) Branch, Siaha ten Gov’t Quarantine Centre-1, Siaha a awm mek te tan Buhfai, Tel, Alu, Purunsen, Artui, Panhnah te chu Pu Ngulzathuama, MCS, Nodal Officer hnenah an hlan a. Heng bakah Pu Joel Laichi, President ,New Colony, MTP Branch chuan duty te mamawh a hman atan pawisa a pe bawk.
Gov’t Quarantine Centre -1 a awm mek te leh thawktu ten lawmthu an sawi tak meuh meuh a ni.
# LOCK DOWN CHHUNGA SERCHHIP DISTRICT A RAN VULHTUTE TANA BIAK THEIH EMERGENCY NUMBER
Dr. C. Zarzokima, DVO, Serchhip District chuan, Director, AH & Vety atanga hriattirna a dawn angin, Serchhip District chhunga ran vulhtuten emergency a ran damlo leh ran kahrai chungchanga biak mai theih tur Vety Officer leh an number te a tichhuak.
1. Dr. H. Vanlalrawna, VO, Serchhip, ph: 8730970402
2. Dr. Biaklianzuali, VO, Chhingchhip, ph: 9612388708
3. Dr. Lalmuanpuia Samte, VO, Thenzawl, ph: 9863502640
4. Dr. C. Lalnunpuia, VO, N. Vanlaiphai, ph : 9856880997
# PPE PEK VANGIN SAWRKAR CHUNGAH LAWMTHU
Non Government Hospital Association of Mizoram (NGHAM) members - Kohhran leh Private Hospitals te chu Mizoram Sawrkar chuan Personal Protection Equipment (PPE) Doctor leh Staff te himna atan a pe a. “Kan ram Covid19 laka kan him theih nan Private Sector pawh min ngaihsak avang hian sawrkar ngaihtuah na hian a huap zau kan tiin a ropui kan ti em em a. Chuvangin Health Minister Dr R Lalthangliana leh Mizoram Health & Family Welfare Board Chairman Dr ZR Thiamsanga te chungah leh Health & FW Dept chungah lawmthu kan sawi a ni”, tiin NGHAM chuan thuchhuah an siam.
# COVID-19 DO NAN MZSRLM HNUAIA SELF HELP GROUP TE AN CHE CHHUAK
Mizoram State Rural Livelihoods Mission (MzSRLM) hnuaia block hrang hrang Serchhip, East Lungdar, Thingdawl, Bilkhawthlir, Khawzawl, Khawbung, Reiek, West Phaileng, Lawngtlai, Chawngte, Siaha leh Tipa R.D Block huam chhunga Village Organization (VO) leh Self Help Group (SHG) member te chu tunlai hian Covid-19 dona atan an pen chhuak a. Khaw hrang hranga VO leh SHG member ten an sumkhawl atanga sum an thawhkhawm chu khawchhunga Village Level Task Force (VLTF) te hnenah an hlan a. VLTF hnena an sum pekchhuah hi Rs 1,09,300 lai a tling tawh a ni. East Lungdar block hnuaia SHG member te pawh VLTF puiin an duty thin bawk.
SHG member zinga puanthui thiamten Covid-19 laka invenna atana mamawh hmaituamna (mask) leh Personal Protective Equipment (PPE) te an thui bawk a, Heng mask leh PPE an thuite hi a tul anga hman turin Deputy Commissioner leh BDO te hnenah hlan a ni. SHG member ten mipui mamawh chhawk zangkhai turin thui chhunzawm zel an la tum bawk.
Heng bakah hian Dulte khuaa Women SHG te chuan CIF loan an puk atanga aloe vera sahbawn an siamchhuah chu Covid-19 do na kawnga sawrkar hmalakna an thlawpzia lantir nan VLTF leh khawchhunga chhungkua 206 hnenah a thlawnin an sem chhuak bawk. Covid-19 vanga lockdown chhungin mipuiten awlsam zawka sum mamawh an lakchhuah theihnan MzSRLM hnuaia Business Correspondent (BC) Agent ten theihtawp an chhuah a. VLTF te duty na hnuaiah inhawngin Leng khua, Lungchhuan leh Farkawn khaw mipuiin sum lakchhuah nan an hmang tangkai hle a ni.
MzSRLM hnuaia SHG member ten CIF loan hmanga motor an lei Aajeevika Grameen Express Yojana (AGEY) pawh Serchhip, East Lungdar, West Phaileng, Siaha, Tipa R.D block huam chhunga mipui ten lockdown neih chhungin tangkai takin an hmang a. AGEY motor te hi mipui mamawh bungraw lakkhawm nan te, tuiphurhna atan leh VLTF duty phurhkual nan tangkai tak a hman a ni.
