DIPR’S UPDATE ON COVID-19 FOR MIZORAM, DT. 1.4.2020 

 TIME: 04:00 PM

#

# AIZAWL DISTRICT - DAILY  REPORT ON STATUS AT QUARANTINE FACILITY AS ON 1/04/2020

#STATUS AT QUARANTINE FACILITIES ALL MIZORAM AS ON 31/3/2020 : 6:00 pm

#MIZORAM HOUSE A THAWK TE BIAK PAWHNA

MIZORAM HOUSE TELEPHONE NO. & FAX

# COVID-19 BEIHLETNA TUR HMANRUA TEN CHAMPHAI LO THLENG

Mizoram sawrkarin tunhnaia Covid-19 dona kawnga hmanraw mamawh a chah thlen atanga Champhai District-a hman turte chuan vawiin khan Champhai a rawn thleng a. Hmanruate hi Champhai district bialtu MLA te hmalaknain a tul angte buaipui anih hnuah Special Messenger hmangin Directorate of Health Services, Aizawl tanga rawn phurh thlen a ni.

Vawiin Covid-19 dona tura hmanrua lo thleng zawng zawngte hi Covid-19 vei damlo enkawltute’n an mamawh em em, an invenhimna tur thuam, Personal Protective Equipment (PPE) set 150, Hand Sanitizer bur 20, Glove 200, 3 Layer Mask 300, N 95 Mask 100 leh Shoe Cover 150 a ni a. District Hospital Champhai tan PPE 100, Hand Sanitizer Bur 10, Glove 100, 3 Layer Mask 100, N 95 Mask 50, leh Shoe Cover 100 a ni a. CMO Office tan PPE 50, Hand Sanitizer bur 10, Glove 100, 3 layer Mask 200, N95 Mask 50 leh Shoe Cover 50 te niin, CMO Office kaltlang hian Champhai Main Centre hnuaia Champhai District chhunga PHC 5; Farkawn PHC, Khawbung PHC, Bungzung PHC, Sesih PHC leh Hnahlan PHC-ah te mamawh dan anga semchhuah tur a ni. Vawiin hian CMO Office chuan MJA Champhai district-te hman turin Hand Sanitizer litre 2 leh hmaituamna a hlan bakah, I&PR Office-tan Hand Sanitizer litre 1 pe in, he huna tel zawng zawngte tan Hand Sanitizer bur te a pe vek bawk a ni.

 Tun dinhmunah Undivided Champhai District huamchhungah hian District Hospital 1, CHC 2, PHC 12, Sub-Centre 59 leh Sub-Centre Clinic 24 a awm mek a. Champhai district bikah hian District Hospital 1, PHC 5, Sub-Centre 15 leh Sub-Centre Clinic 8 a awm mek a ni.

# LAW MINISTER PU TJ LALNUNTLUANGA’N A BIAL CHHUNGAH BUHFAI QUINTAL 100 A SEM

Law Minister Pu TJ Lalnuntluanga, Champhai South A/C bialtu MLA nibawk hmalaknain vawiin khan a bial chhunga Covid-19 avanga inkharkhipna kalpui anih chhunga chhuanchham mai theite harsatna sutkianna tur atan, veng leh khaw tina Village Level Task Force (VLTF) leh mimal mamawh zualte hnenah Buhfai quintal 100 sem chhuah a ni.

Chhuanchham mai theite tana buhfai sem puala a thuchahah Pu TJ Lalnuntluanga chuan Covid-19 dona kawnga hlawh beisei hauh lova theihtawp chhuaha hma latu District Level Task Force on Covid-19 leh Village Level Task Force-te, Kohhran leh tlawmngai pawl hrang hrangte, damdawi lama thawktute, Sipai, Police leh Media-te inpeknaah lawmthu sawiin, ram leh hnam tana an inpekna ropui a ti a. Hri leng avanga chhuanchhamte tana tanpuina thilpek petu zawng zawngte chungah thinlung takin lawmthu a sawi bawk.

 March ni 26, 2020 khan Law Minister Pu TJ Lalnuntluanga chuan a bial chhung 24-Champhai South (A/C) huamchhunga Covid-19 dona atana thawktu Village Level Task Force-te hnenah kut tihthianghlimna (Hand Sanitizer), Hmaituamna (Surgical Mask) leh tangka fai Rs 2,35,000/- a lo hlan tawh bawk a. March thla laihawl vel khan Minister hian MLA Fund hmangin Covid-19 dona atana a tul ang anga hman turin District Level Task Force on Covid-19, Champhai hnenah cheng nuai 1 a lo hlan tawh bawk a ni.

# LOK SABHA MP PU C. LALROSANGA'N COVID-19 DO NAN CHENG VAIBELCHHE KHAT PEK BELH

No. 3445/2019-2020

 Mizoram MP (LS) Pu C Lalrosanga chuan COVID-19 dona tura hman atan cheng Nuai Sawmpanga (Rs. 15,00,000) CM Relief Fund-ah a pek tawh bakah, Medical lam hmanrua PPE, mask, sanitizer, test kit hmanrua, ventilator, infrared thermomoter leh ṭul dang ilo leina atan MP Fund Nodal Officer, Aizawl DC kaltlangin  MP Fund atangin cheng Vaibelchhe khat (Rs. 1 crore) a pek belh a, Fund hi a remchang hmasa ber a release turin Nodal Officer hi a hriattir a ni.

# KOLASIB DISTRICT ESSENTIAL COMMODITIES MONITORING TEAM

Kolasib District Essential Commodities Monitoring team chu a hnuai a mi ang hian din a ni.

      3.         Members:     

  (i) HC Lallianzuala, DCSO, Kolasib, Ph. No. – 8974133561.

(ii) ST Lalhmingmawia, DLAO, Kolasib, Ph. No. 7005367150/9436140011.

(iii) C Lalremsiama, DHO, Kolasib, Ph. No. 9436145081/8730920576.

(iv) Lalhmingliana, DTO, Kolasib, Incharge & Coordinator Transport &

Vehicle Management, Ph. No. – 9436146330.

(v) Stephen Laltlansanga Auhmun, APO, DRDA, Ph. No – 9862859973.

(vi) Superintendent of Police, Kolasib or representative.

(vii) Chairman, NGO Coordination Committee, Kolasib.

_{# LUNGLEI HPC VICE CHAIRMAN HOVIN DISTRICT TASK FORCE ON COVID-19 MEETING}

Tunlaia Novel Coronavirus (COVID-19) hri leng mek chungchang leh hemi avanga inkharkhip kalpui meka District mipuite tana ruahmanna siam te sawiho turin vawiin tlai khan Lunglei DC Conference Hall-ah Lunglei HPC Vice Chairman Pu Lawmawma Tochhawng hovin District Task Force on Covid-19 meeting neih a ni. Meeting-ah hian Lunglei South bialtu MLA Dr K.Pachhunga, SP Pu C.Lalthanmawia, Additional DC Pu R. Vanrengpuia, CMO Dr Thani Pachuau leh sawrkar official dangte, tlawmngai pawl aiawhte leh MJA hruaitute an tel.

HPC Vice Chairman chuan Lunglei District huam chhunga Village Level Task Force-te thahnemngaihna leh tlawmngaihna chu ropui a tih thu sawiin chhun zan zawma duty a, mipuite mamawh an buaipui sak avangin an chungah lawmthu a sawi a. Mipuite pawh sawrkar thuchhuak te ngai pawimawha, he natna hlauhawm leh inkaichhawn awlsam tak laka kan him tlan theihna turin inkharkhip chhunga chhuak vak lui lo turin a chah a. Taksa hriselna bakah rilru hriselna kan ngai pawimawh theuh tur a ni tiin mipuite chu an hun awl hmang tangkai tur leh ei leh in uluk turin a chah a ni. 

He hunah hian Lunglei South bialtu MLA Dr. K. Pachhunga pawhin VLTF-te hnathawh ropui a tih thu sawiin Mizo society ah tanrualna tha tak kan nei hi kan vannei takzet a ni, a ti a. VLTF-te leh Sawrkar Department-te pawh thawhhona tha tak an nei chu lawmawm a tih thu a tarlang. Mizoramin Coronavirus Testing laboratory kan neih thuai theihna tura hmalatu Core Committee ah a tel thu sawiin sawrkarin chak takin hma a la mek a ni, a ti bawk. 

He hunah hian Department hrang hrang atangin report ngaihthlak a ni a. Tun dinhmunah Lunglei District ah inkhunghrang mek mi 564 an awm a. Hengte zinga mi 551 hi mahni ina inkhunghrang (Home Quarantine) niin mi 13 chu sawrkar ina hmun a ruahman Facility Quarantine ah an awm mek a ni. Tin, tun dinhmunah Lunglei District-ah mi 57-in Quarantine Period tluang takin an zo fel tawh a, insawiselna an neih loh avangin Quarantine atangin thlah zalen (release) tawh an ni.

COVID-19 vanga inkharkhip laia Lunglei District chhunga mipuite'n ei leh bar leh an ni tin mamawh an tlakchham loh nana ruahmanna siamtu District Supply Chain Committee Member Secretary Lunglei DHO Pu L.Lalhmingmawia Pachuau pawhin report pe in Tuipui D, Thawizawl, Tlawng, Zawlpui leh Tuisenchhuah atangin thlai chi hrang hrang 20 chuang Lunglei khawpui leh a chhehvela sem chhuah turin lakkhawm mek zel anih thu a tarlang a. Lunglei khawpui chhungah chawlhkar khat chhungin vawihnih (ni hnih) -  Thawhlehni (Tuesday) leh Inrinni (Saturday)-ah te thlai lakluh leh zawrhna hun siam mek a ni. Zikhlum quintal 134, Tomato quintal 26, Antam tel 10,600, bawkbawn quintal 79 leh thlai chi hrang hrang lakluha semchhuah tawh niin thlai tharah Lunglei District dinhmun a tha tawk hle tih a tarlang bawk.

COVID-19 vanga inkharkhip hi Lunglei District chhunga khaw hrang hrangte'n an zawm tha hle a. Village level task force-te'n mahni veng theuh tha taka vilin, he inkharkhip vanga mipuiin harsatna an tawh loh nan theih tawp an chhuah a. Tun thleng chuan harsatna thleng hriat a la ni lo.

# KOLASIB DC HOVIN RATION CARD NEILO CHHUNGKUA TE HNEN A EITUR MAMAWH PEK DAN TUR RUAHMANNA SIAM

No.3458/2019-2020

Vawiin chawhnu khan DC Conference Hall, Kolasibah Zonal Executive Magistrate leh Essential Commodities Team ten Kolasib district chhung a Ration Card neilo chhungkua ten an mamawh ang eitur an dawn ve theihna ruahmanna siamin thutkhawmna an nei a, he hun hi Dr H Lalthlangliana, DC Kolasibin a kaihruai a ni.

Dr H Lalthlangliana chuan Zonal Executive Magistrate te chu an mahni bial chan theuh te chhung a mipuite harsatna chinfel kawngah a rang thei ang ber a hma la zel turin a chah a. Ration card neilo chhungkua te mamawh ang te pawh chhinchhiahna felfai tak nen Kolasib District Essential Commodities Team te hnen ah thlen turin leh Essential Commodities Team te kaltlangin eitur mamawh awm ang angte chu rualkhai tak a sem a nih tur thu a sawi. DC chuan, Ration Card neilo te zing a khawsak harsa ngawih ngawih, an awmna khawtlang hruaitute pawhin a an harsatna an hriatpui ngei te chu ngaih pawimawh hmasak tur an nih thu a sawi. 

Kolasib DC chuan, Covid-19 vang a lockdown chhung hian dan leh thupek kenkawh kawng ah District leh Village level Task Force te thawh hona a pawimawh thu a sawi a, Silai leh Airgun eng chi pawh khap vek a nih thu thutkhawmnaah hian a sawi lang bawk a ni.

Pu Vanlalfaka Ralte, SP Kolasib chuan mipui nitin mamawh, Essential Commodities phurtu motor (Public Carriers) zawng zawng te chu rang tak a, kawng lak a tihkhawtlai awm miah lo a kal tir zel tur a nih thu a sawi a. Task Force hrang hrang te pawhin heng motor te hi awlsam zawk a mipui mamawh an phur zung zung theihna turin a tul apiang a lo puih thin nise a duh thu a sawi bawk a ni.  

Kolasib district Zonal Executive Magistrate te hnenah hian Ration card neilo chhungkua te hi chhinchhiah mek a ni a, Task Force te kaltlangin heng chhungkaw zing a khawsak harsa zual te finfiah a, an mamawh eitur te hi ruahman sak an ni dawn a ni.

# RAMRI KHAR THUA SERCHHIP SUPERINTENDENT OF POLICE THUCHHUAK

 No.3457/2019-2020

Vawiin hian Serchhip District Superintendent of Police, Pu R. Sathiyasundaram, IPS chuan International Border (Myanmar) ramri kaltlanga inkalpawh a rem rihloh thu a hnuaia mi ang hian thuchhuah (circular) a siam.

“Kan hriat theuh angin tunlaiah COVID-19 avangin India sawrkar chuan total Lockdown ni 21 chhung w.e.f 25.3.2020 to 15.4.2020 a puang a he hrileng  laka inven a ngaih avangin  thuleh awm hma chu Myanmar atanga Mizoram (India) luh hi State sawrkarin a phal tawh lova. Luh luih theih nana India sawrkar pawh dawr buai a ngai tawh lo tih mitin kan inhriattir e. Mizo hnahthlak leh Mizoram khua leh tui Myanmar rama cham bang mek hrileng vanga inkharkhipna hlih a nih hma chuan Mizoram lo luh tum lo tur leh mahni awmna ngaia lo chambang mai turin kan inngenin kan inhriattir a ni. Sailulak leh Lungkawlha VCP leh VLTF ten kan rala Mizo hnathlak khua awmte hnenah he thu hi ral atanga phone hmangin emaw a remchan  dana lo inhrilh chhawng vek turin kan inngen e,” tiin.

# COVID19 DONA TURIN CM RELIEF AH MI THAHNEMNGAI TEN PE; SUM LUT TAWH ZAT A VAIIN Rs. 73,18,425

No.3456/2029-2020

Tunlai state chhunga sawrkar leh mipui tangrualin COVID-19 do tura hma a laknaa hmatawngtute puih nan leh, mipui him tlan zawk theihna tura lockdown leh curfew hman a nih avanga harsatna tawkte puihna turin Chief Minister’s Relief Fund ah pawl leh mimal inphal tak tak te hnen atangin puihna sum hmuh a ni mek zel a. Sawrkar pawhin heng mi thahnemngai tak tak te chungah hian lawmthu a sawi a ni. Vawiin thleng khan a vaiin puihna sum CM Office in CM Relief Fund atana a hmuh tawh zat hi Rs. 73,18,425 a ni.

Vawiin khan Kohhran Thianghlim hnen atangin cheng nuai 8 hmuh a ni a, The Salvation Church in cheng sing nga an pe bawk. Mizoram Synod atangin puihna cheng nuai 7 hmuh ni bawkin, anni hian March ni 26 khan CM Relief Fund kaltlangin Task force on Covid-19 hmalakna puihna tur cheng nuai 2 lo hlan tawh a, a vaiin cheng nuai 9 CM Relief Fund ah hian an chhung a ni. Anni bakah hian Ex-MNA Taitesena Battalion Welfare (Rs. 10,000), Secretary, Home Department (Rs. 10,000), Drug-Free Mizoram (Rs. 2,000), Mizoram Taxation Department Staff Welfare (Rs. 1,00,000), MZU Gr.A Officers' Welfare Committee (Rs. 1,50,000), Mizoram Home Guard & Civil Defence Staff Welfare (Rs. 2,00,000), Tourism Deptt. (Rs. 1,70,000) leh MJ Varte (Youtube Channel) neitu in Salima Sermon Video atanga royalty a dawn Rs. 20,000 te chu CM Relief Fund atan dawn a ni.

CM Relief Fund atanga sum petute chu:

A) Mimal anga pe:

1) Pu C. Lalrosanga, Member of Parliament (Lok Sabha) – Rs. 15,00,000

2) Constable R.K. Hmingthansanga – Rs. 35,500

3) Nl. Zonunmawii, Chapchar Kut Miss – Rs. 10,000

4) Shri. Alok Jain – Rs. 2,00,000

5) Brig. B.S Gill – Rs. 1,00,000

6) Shri. Mamon Majumdar – Rs. 1,00,000

7) MJ Varte (Youtube Channel) – Rs. 20,000

B) Kohhran:

1) Mizoram Synod – Rs.    9,00,000

2) The Salvation Army (India Eastern Territory) - Rs. 1,00,000

3) United Pentecostal Church, NEI – Rs. 2,00,000

4) Diocese of Aizawl, Catholic Church – Rs. 1,00,000

5) Evangelical Free Church of India (EFCI) – Rs. 20,000

6) Kohhran Thianghlim, Mizoram – Rs. 8,00,000

7) The Salvation Church    - Rs. 50,000

8) Assembly of God, Chaltlang – Rs. 50,000

C) Association hrang hrang te:

1) Mizoram Finance & Account Service Association – Rs. 1,00,000

2) Mizoram Secretariat Service Association – Rs. 1,50,000

3) Mizoram Primary Teachers’ Association – Rs. 1,00,000

4) Vety. Diploma Holders Service Association – Rs. 10,000

5) P&E Revenue Div. Staff Welfare Association – Rs. 10,000

6) Excise & Narcotics Officers’ Association – Rs. 50,000

7) Secretaries and Commissioners – Rs. 1,39,875

8) Mizoram Civil Service Association – Rs. 6,30,650

9) Secretary, Home & DM&R – Rs. 10,000

10) Mizoram Taxation Dept. Staff Welfare – Rs. 1,00,000

11) Mizoram Home Guard & Civil Defence Staff Welfare – Rs. 2,00,000

12) Tourism Department – Rs. 1,70,000

13) Govt. Muma Middle School – Rs. 5400

14) MZU Group 'A' Welfare Committee – Rs. 1,50,000

15) Mizoram Bar Association – Rs. 1,00,000

16) Former Legislators' Association of Mizoram – Rs. 1,00,000

17) Harley Owners Association, Mizoram – Rs. 50,000

18) Drug-Free Mizoram – Rs. 2,000

19) Ex-MNA Association Gen. Hqrs – Rs. 30,000

20) Ex-MNA Taitesena Battalion Welfare – Rs. 10,000

D) Sports Association:

1) Cricket Association of Mizoram – Rs. 5,00,000

2) Serchhip District Table Tennis Association – Rs. 10,000

3) Mizoram Badminton Association – Rs. 1,00,000

E) Private Businesses:

1) Netsurf Internet Services – Rs. 1,00,000

2) K.T Thanga and Sons – Rs. 2,00,000

Heng bakah hian hming tarlan loh mi engemawzat hnen atangin Rs. 1,05,000 hmuh a ni bawk.

CM Relief Fund ah hian engtik lai pawhin tanpuina sum hi Online in Bank account ah a thawn theih a. Cheque emaw sumfai pawhin CM Office ah a pek theih bawk a ni.

CM Relief Fund Bank Account chu:

Account Hming: Chief Minister’s Relief Fund

Account Number: 18141450000025

IFSC Code : HDFC0001814

Name of Bank: HDFC Bank

Bank Branch: Aizawl Branch 

# DAILY SITUATION REPORT ON COVID-19 QUARANTINE FACILITATION CENTRE (KOLASIB)

No.3455/2019-2020 

#SERCHHIP BAWRHSAP IN MYANMAR RAMRI KHAR A NIH THU CHHUAH

No.3454/2019-2020

Vawiin hian Serchhip Bawrhsap Pu H. Dolianbuaia, MCS chuan sawrkar thupek awmsa tawh anga Myanmar ramri kaltlang khap a nih thu a hnuaia mi ang hian thupek a tichhuak:

Mizoramah COVID-19 hri vei hmuhchhuah a lo nih tak avangin he hri hi a darh zel loh nan Mizoram sawrkar chuan nasa lehzuala invenhim hi tulin  a hria a. He office lehkha No. D. 12017/2/2020 – DC (SRCP) dt. 11.03.2020 a Serchhip District chhunga International/ Inter State Border inkalpawhna gate/check gate zawng zawng te chu khar tur a ni tih thupek chhuah a nih angin Myanmar atanga Mizoram luh hi phal a ni tawh lo a ni.

Chuvangin Serchhip district khaw tina Village Level Task Force ten Myanmar rama Mizo pawl dang te kaltlangin Myanmara Mizo chengte leh zinmi awm mek te chu inkalpawhna gate te hi khar a ni tih leh Mizorama rawn luh hi phal a ni lo tih lo hrilh turin kan inhriattira. Tin, India ram sawrkarin complete lockdown a puan huntiam a ral hma loh chuan Mizoramah rawn let emaw rawn zin emaw a theih loh tih hriattir turin kan inngen bawk e.

# COVID DO NAN CM RELIEF FUND AH CHHUNGLUT

No.3453/2019-2020

Headquarters, Staff Welfare, Mizoram Home Guards & Civil Defence chuan COVID hripui leng mek dona kawng a tul apianga hman atan Chief Minister Refief Fund ah cheng nuai 2 an chhunglut.

# LAWNGTLAI BAWRHSAP-IN MYANMAR ATANGA MIZORAMA LUH KHAP A NIH THU HRIATTIRNA A CHHUAH

N0.3452/2019-2020

Lawngtlai District Magistrate leh District Disaster Management Authority Chairman Pi Shashanka Ala, IAS chuan vawiin khan inkharkhip chhunga Myanmar atanga Mizorama lo luh a rem loh thu Myanmar lama Zo hnahthlakte’n an lo hriata an zawm theih nan a hnuaia mi ang hian hriattirna leh ngenna a chhuah.

“Novel Coronavirus (COVID-19) hri leng mek laka kan him theih nan India ram pumah inkharkhip (lockdown) kalpui mek a ni a. Hemi chhung hian ram chhunga inkal pawhna leh chet velna hrang hrang tihtawp a nih bakah, ram dang nena inkal pawhna ramri (international border) kana luh leh chhuah khap tlat a ni a. Myanmar atanga Mizorama lo luh hi khap tlat a nih bakah, lut duh an awm paw’n phalna an hmuh theih nan lo puih pawh a rem lo a ni.

“Hei vang hian Myanmar-a kan Zo hnahthlak awmte emaw, khualzin cham bangte emaw pawh he inkharkhipna hi hlih a nih hma chu mahni awmna hmuna lo awm rih tur leh Mizorama lo luh emaw, lo let emaw tum rih lo turin kan inngenin, kan inhriattir a ni.

“He thu hi a theih anga min puanzarsak a, hemi kawnga hma min lakpui tur hian Myanmar-a Zo hnahthlak pawl hrang hrangte kan ngen bawk a ni.”

# LAWNGTLAI BAWRHSAPIN HMUN DANG ATANGA HNA THAWKTU LO KALTE’N DISTRICT AN CHHUAHSAN A KHAP

No.3451/2019-2020

Ram chhung hmun hrang hrangah hmun dang atanga hna thawka lut (migrant worker/labour)-te’n a huhova mahni khua an pan dul dul avangin COVID-19 a darh nasat phah a hlauhawm hle a, chu vang chuan Home Secretary pawhin National Executive Committee Chairperson a nihnain Order No. 40-3/2020-DM-I(A) dt. 29.03.2020 a lo chhuah tawh nghe nghe a.

Hemi kawngah hian felfai leh tha zawka inkharkhip kalpui a nih theih nan Lawngtlai District Magistrate leh District Disaster Management Authority Charman Pi Shashanka Ala, IAS chuan Disaster Management Act 2005 section 30(2)-in thu neihna a pek angin vawiin, March ni 31, 2020 khan a hnuaia mi ang hian thupek a chhuah:

1. Hmun dang atanga hna thawktu lo kal (daily-wage labour/migrant labour/worker)-te’n district an chhuahsan khap tlat a ni.

2. EE (PWD – Roads, Buildings leh Highways; PHE; P&E), CO 71 RCC GREF, GM (P) NHDCL, PWD (LADC leh CADC) leh work department dangte’n an hnuaia heti ang migrant labour tu ma’n district an chhuahsan loh nan hma an la ang.

3. State Task Force-in inkharkhip chungchanga zawm tur leh tih tur a tihte tha tak leh dik taka zawm leh kalpui a nih theih nan Lawngtlai SP-in hma a la ang.

# COVID 19 DONA TICHAK LEH HARSATNA TAWH TE SUTKIAN ANI THEI TASK FORCE 5 DIN

No.3450/2019-2020

Sawrkar Department hrang hrang ten COVID-19 dona kawngah huamzau taka hma an lak thei nan leh COVID-14 hripui leng in harsatna hrang hrang a siam te kil tin atanga sutkian a ni thei nan vawiin khan Chief Secretary Pu Lalnunmawia Chuaungo, State Executive Committee Chairperson ni bawk chuan Task Force 5 din hriattirna a chhuah a. He hriattirna hi Disaster Management Act, 2005 hnuaia bung 22(2)(g) leh (h) in State Executive Committee Chairperson thuneihna a pek angin chhuah a ni a. Task Force tin Chairman, Member Secretary leh Member-te hi he hriattirna in a ruat nghal a ni.

Task Force on Medicine & Medical Equipments ah hian Secretary, Health & Family Welfare Pu H. Lalengmawia chu Chairman niin Director, Health Services Dr. Lalchungnunga chu Member Secretary a ni a; Member-te chu – Dr. F. Lianhlira, Principal Director, H&FW; Pu Lalhmingmawia, Addl. Secretary, Finance(EC); Dr. T.  Lalhmangaihi, Director, Hospital & Medical Education leh Pu John L.T. Sanga, Director, DM&R te an ni.

Task Force on Migrant Workers and Stranded Travellers ah hian Addl. Secretary. Home Department Pu Laldawngliana chu Chairman niin Deputy Secretary, GAD Pi Margaret Lalrinawmi Fanai chu Member Secretary a ni a; Member-te chu – Pu Alexander V. Chawngthu Joint Secretary, FCS&CA Department leh Director, LESDE te an ni.

Task Force on Transport ah hian Commissioner & Secretary Transport Department Pu K.T. Beichho, chu Chairman niin Pu Lalrammawia, Director, Transport Department chu Member Secretary a ni a; Member atan Pi HM Hualsangi, Secretary, SAD ruat a ni.

Task Force on Insurance ah hian Addl. Secretary, Finance Pu Ramchuana chu Chairman niin Deputy Secretary, H&FW Department Dr. Lalngura Tlau chu Member Secretary a ni a; Member-te chu –Pu C. Lalmuankima Deputy Director (Admn.), DHS; Pi Lalrikhumi Sailo, Deputy Director (Admn.), DHME leh Dr. Vanlalrengpuia, SPM, National Health Mission te an ni.

Task Force on Animal Husbandry & Veterinary Services and Fisheries ah hian Secretary, Ah & Vety. Department Pu C. Lalpeksanga chu Chairman niin Director, AH &Vety. Department Dr. Hmarkunga chu Member Secretary a ni a; Member-te chu – Finance Department aiawh Joint Secretary aia hniam lo leh Pu F. Vanlallawma, Director, Fisheries Department.  

# MAMIT DISTRICT CHHUNGA COVID - 19 HRILENG MEKA KHUNGHRANTE DINHMUN

No. 3449/2019-2020

Novel Coronavirus (COVID -19) hrileng mek avanga, Mamit District chhunga, Sawrkarin a siam Quarantine Centre hrang hrang leh mahni In-a khunghran( Home Quarantine) vawiin ni 31.3.2020 thleng hian mi 122 an awm tawh a. Vawiin bikah mithar khunghran belh an awm lova, Sawrkar quarantine Centre Kawrtethawveng P/S III-a khunghran mi pahnihte chu an dil angin mahni in a, inkhunghran phalsak an ni a. Kawrthah CHC- a khunghran mi 1 chu ni-14 khunghran a nih tawh hnuah, mahni Ina inkhung hrang tura sawnchhuah a ni bawk. Ti hian mahni In a khunghran hi Mi 112 awmin Sawrkar Quarantine Center- a khungkawm zat hi mi 10 an ni.

 Mamit District chhunga Sawrkar-in khunghrante dah lailawkna tura a ruahman SSA Hostel, Mamit Luangpawl-ah mi 7 awm mekin, BDO Rest House Zawlnuamah mi 3 an awm mek bawk a ni.

# INHLAWHFAA EIZAWNG, CHHUANCHHAM TE LEH MI RAMA TANGKHANG ZIRLAI LEH INHLAWHFA TE PHURRIT TI ZIAAWM TURIN SAWRKARIN THUPEK A TICHHUAK

No. 3447/2019-2020

Section 10(2)(1) of the Disaster Management Act, 2005 in thuneihna a pek angin National Executive Committee chuan Sawrkar laipui, State/ Union Territory Government hnuaia Ministry/ Departments leh State/ Union Territory thuneitute hnenah COVID-19 avanga inkharkhip (lockdown) turin thu a pe a. Hetiang a lo nih takah chuan State danga mikhual cham mek (migrant)-te mahni State-a haw tumin an phe suau suau a,  hei hian kan inkharkhip chhan ber ‘midangte hlata awm(social distance)’ chu a chawkchhia a ni.

He harsatna thleng mek sukiang tur leh lockdown felfai taka kalpui a nih theih nan te, mi rama inhlawhfaa awm mek te phurrit tiziaawm turin National Executive Committee Chairperson chuan order No. 40-3/2020-DM-I(A) of 29th March 2020 a tichhuak a. Hei hian State/ Union Territory Sawrkarte leh State/ Union Territory thuneitute chu a chinfel dan tur ngaihtuaha hma la tur leh a tul dan anga thupek (order) tichhuak turin a ti a.

National Executive Committee Chairperson thupek ang leh Section 22(2)(h) of the Disaster Management Act, 2005 in thuneihna a pek angin  Deputy Commissioner/ Chairperson te, District Disaster Management Authority te leh District Superintendent of Police te tihhlawhtlin turin Mizoram Sawrkar Chief Secretary leh Chairman, State Executive Committee ni bawk chuan March ni 30 hian order a tichhuak a ni.

1.District Disaster Management Authority te chuan mi rethei, chhuanchhamte leh lock down avanga tangkhang, mi ram atanga lo lut inhlawhfate tan riahbuk leh ei leh in  tur a ruahman sak ang.

2.Heng mi ram atanga lo kal, mahni state leh mahni khuaa haw tuma chhuak ta te hi an awmna atanga hnai ber hmun remchangah Deputy Commissioner/ District Disaster Management Authority ten sawrkar quarantine facility-ah emaw awmna an siam sak ang a. Uluk taka endik an nih hnuah ni 14 tal an awm tir tur a ni. 

 3.Industry emaw, sumdawnna hmunpui  emaw, dawr emaw lockdown avanga khar a nih chhung hian a neituten an hnuaia hnathawk an chhawrlai te hnenah, a hun bi pangngaiah, hlawh a bi kimin an pe tur a ni. 

4.State dang atanga inhlawhfaa lo lut (migrant worker) te tiamin heng inhlawhfaa nitin eichawp zawng thinte hi mi inluaha an cheng a nih a, inluah man pek tur an nei lo a nih chuan,  in neituten thla khat chhung inluah man an thing tur a ni lo.

5.In neituten inhlawhfa te leh zirlaite an hnawtchhuak a nih chuan he Act hnuaiah hian  hrem theih an ni.

6.Village Level Task Force-ten harsatna an tawk a nih a, sawrkarin tih tur a bituk te hlenchhuak hlei theilo dinhmunah an lo ding a nih chuan District Disaster Management Authority te chuan volunteer tura inziak lut Aapda Mitra volunteer te, Home Guard volunteer te leh State Disaster Response Force-te an chhawr tangkai thei ang. Heng volunteer te chungchanga hriat tur pawimawhte hi State Control Room atangin lak theih a ni.  

District Magistrate/ Deputy   Commissioner leh Senior Superintendent of Police/ Superintendent of Police/ Deputy Commissioner of Police  te chu a chunga kaihhruaina leh lock down measures tihchhuahte khi an kovah lain an hlen chhuak ngei tur a ni a. He dan zawmlote lakah District Disaster Management Authority ten dan hnuaiah a tul angin action an la tur a ni.

# ONLINE COUNSELLING

No. 3446/2019-2020

Covid-19 leh lockdown laia rilru lama harsatna neite tan heng a hnuaia Clinical Psychologist te hi biak thei an ni :

1. Aizawl District

a. Biakhluzuali Chenkual - 9436140550

b. Dr. Lalengmawii - 8415930864

c. Jane Lalduhchhungi Vanchhawng - 825690543

2. Serchhip District

a. Jane Zodingliani Lailung - 8794924490

3. Kolasib District

a. Helen Lalnunmawii Sailo - 9615744170

4. Lawngtlai District

a. Jacob Challiandinga - 9862361740

5. Saiha District

a. Lalawmpuii - 8132833419

6. Champhai District

a. Vanlalmuani Pachuau - 9612762192

7. Mamit District

a. Vanlalzari – 9774142241

# STATUS OF STATE SURVEILLANCE OF COVID-19 (TIME: 30.3.2020 12:00 NOON – 31.3.2020 12:00 NOON)

No. 3446/2019-2020