No.15/2020-2021
Central sorkar chuan Covid-l9 hrileng mek laka inven nan lockdown a puang a, State thenkhatten he lockdown inkaihhruaina an bawhchhiat avangin khauh zawk a hmalak a nih theih nan Ministry of Home Affairs chuan order no.40-3/2020-DM-I(A) of 29th March, 2020 a ti chhuak a ni.
He order ang hian State Executive Committee, GoM chuan kan state chhung a lockdown inkaihhruaina tha taka kalpui a nih theih nan order No. B. 13021/105/2020-DMR Dt. 30.03.2020 a tichhuak ve bawk a ni.
Chuvangin, Kolasib Magistrate chuan, Ministry of Home Affairs leh State Executive Committee, GoM in thuchhuah a siam ang leh Sec 34(1) Disaster Management Act in thuneihna a pek angin a hnuai ami ang hian thupek a chhuah.
1. Thil siamna(Industry) emaw dawr emaw sumdawnna emaw neitu in an hnuaia hnathawkte thla bi hlawh pangngai a hun pangngaiah an pe tur a ni. Lockdown avangin an hnathawkte an chawl a nih pawhin an hlawh tihkiamsak tur a ni lo.
2. Kuthnathawk a eizawng tangkhangte mi in luah a an awm a nih a, a luah man pek turah harsatna an nei a nih chuan, a in neituin thla khat chhung atan a in luah man a dil lui tur a ni lo.
3. In neitu in a in luahtu, kuthnathawk emaw zirlai emaw an nih chuan a in atanga chhuak turin a tilui tur a ni lo.
Heng a chunga thupekte hi bawhchhia an awm a nih chuan District Magistrate, Kolasib hnenah thlen tur a ni. He thupek zawm lo chu U/s 188 of IPC hmangin hrem an ni ang.
