DIPR’S UPDATE ON COVID-19 FOR MIZORAM
DT. 30.03.2020 TIME: 21:00PM
(Part-2)
# CHIEF MINISTER’S RELIEF FUND PE
No.3419/2019-2020
Vawiin khan Mizoram State Cooperative Service Association(MSCSA) chuan Covid-19 dona atana hman turin CM relief Fund atan pawisa fai ₹50,000/- an hlan.
Pawisa hi MSCSA Gen. Secretary, K.Lalruatfela’n Pu Tawnluia, Deputy Chief Minister chu a chenna inah a hlan a ni.
# GAS SEMNA KAWNGA COVID KAIA BORAL AN AWM PALH IN OIL MARKETING COMPANIES TE TANPUINA PE DAWN
No.3418/2019-2020
Vawiin khan tuialhthei (Oil) zuartu oil marketing companies 3 IOCL, BPCL leh HPCL te chuan eirawngbawlna gas semna kawnga hnathawktu - showroom enkawltu, kudam nghaktu, mechanic-te leh gas semtu delivery boy ten an hnathawhna avanga COVID-19 kai palh a boral an awm chuan vanduai tawk te cheng nuai 5 zel an pek tur thu an puang. Minister of Petroleum and Natural Gas & Steel Pu Dharmendra Pradhan chuan oil company te hmalakna chu fakawm tiin hetianga ruahmanna hi heng mite inpekna hriatrengnaa a ngaih thu a sawi bawk.
#RANVULHTUTE HARSATNA SUKIANG TURIN AH&VETY IN CHAK TAKIN HMA LA MEK
No.3416/2019-2020
Vawiin khan Secretary AH & Vety Department kaihhruaina hnuaia Task Force of AH & Vety Department on Covid 19 meeting chu an thu khawm a. A hnuaia tarlan ang hian ruahmanna leh thutlukna an siam rih phawt a ni.
1. Ran chaw (Concentrate Feed ) te lei leh hralh chungchanga harsatna awmte chu tun a Sawrkar leh Private Firm ten kan ran chaw neihsa ang te ranvulhtu te hnena rualkhai zawka sem chhuah dan tur ngaihtuah a ni a, hetah hian Local Level Task Force a mi te ran chaw zuartu Firm hrang hrang leh Sawrkar miten ruahmanna an siam ho thin dawn a ni.
2. Bawng chaw (Fodder) bik Bawng vulhtu ten an mamawh zualpui ang an lak theihna tura ruahmanna siam dan tur te sawiho a ni a. Ar sa, Vawk sa, Bawng sa, sa dangte leh bawnghnute lak khawm leh hralh chhuah dan tur te pawh sawiho a ni bawk a ni.
Heng mipui mamawh phuhruknan hian mihring leh motor vei vak tlem thei ang ber turin leh Local Level Task Force te a tam thei ang bera hmang tangkai turin AH & Vety Deptt. chuan Help Desk a buatsaih a, hemi enkawl tur hian
Dr Lalhmingthanga, Dy. Director Ph : 9436142315 leh Dr Thangzadinga, V.O. Ph : 9436151944 te ruat an ni a, an ni hian a tul angin a chung ami zawng zawng huam hian hma lo la thin tura tih an ni.
3.Ar puah sa a hlawma buatsaih turte chu AH & Vety Deptt. a Meat Inpsector te vilna hnuaiah buatsaih tur a ni a. Bawng talh tur hi kan neih mai tawh loh avang leh tunah hian Vaphai, Champhai District a dahkhawm sa chu Aizawl a phurh luh dan tur ruahmanna siam nghal a ni a, hei hi AH & Vety Deptt. Task Force ten an buaipui zui mek a ni.
4. Vawk a hlawma talh tur kan neih mek te chu Task Force leh Meat Inspector te enpuina hnuaiah a sa sawngbawl tura ruahman a ni a, Local Level Task Force ten an huam chhunga sem sawm dan tur chu buaipui turin ngenna siam ni se tih a ni.
5.Sawrkar chuan ran vulh tu te zinga Lock Down chhunga harsatna neite tan Task Force a din a. He Task Force hnuaiah hian harsatna neite tan Help Line a hnuai ami ang hian siam a ni a. Harsatna leh mamawh neite tan helaiah hian a biak theih ang. State pawn atanga ran chaw leh ar note laklukna lama harsatna nei te tan pawh he Help Line ah hian biak rawn theih an ni ang.
Contact : 0389-2333847, 94361151944, 9436142315
Email ID : ahvd.covid19@gmail.com
#GAS SEMNA KAWNGA COVID-19 KAIA BORAL AN AWM PALH IN OIL MARKETING COMPANIES TE TANPUINA PE DAWN
No.3418/2019-2020
Vawiin khan tuialhthei (Oil) zuartu oil marketing companies 3 IOCL, BPCL leh HPCL te chuan eirawngbawlna gas semna kawnga hnathawktu - showroom enkawltu, kudam nghaktu, mechanic-te leh gas semtu delivery boy ten an hnathawhna avanga COVID-19 kai palh a boral an awm chuan vanduai tawk te cheng nuai 5 zel an pek tur thu an puang. Minister of Petroleum and Natural Gas & Steel Pu Dharmendra Pradhan chuan oil company te hmalakna chu fakawm tiin hetianga ruahmanna hi heng mite inpekna hriatrengnaa a ngaih thu a sawi bawk.
#HRIATTIRNA PAWIMAWH
No.3415/2019-2020
“Go-Air Flight No. G8-298, Guwahati-Aizawl, tun thla March 16 -a passenger in lama home quarantine mek te hnenah lawmthu kan sawi a. Karleh Thawhtanni (April ni 6, 2020) thleng tihdan pangngai a home quarantine chhunzawm turin kan hriattir che u a ni. Mahni tan mai ni lo, kan chhungkua, kan ram tan a ni tih hriain tha taka kalpui zel turin kan inngen e” - Dr Pachuau Lalmalsawma, Spokesperson, COVID19
#PM-KISAN HNUAIA MIZORAM FARMER 40,890 TE ACCOUNT-AH Rs. 817,80,000/- THUN A NI
No.3414/2019-2020
Union Finance Minister, Pi Nirmala Sitharaman chuan tunlaia hrileng Novel Coronavirus (COVID-19) avanga harsatna tawk mek kuthnathawktute chhawmdawl nan PM-KISAN hnuaia loneitu (beneficiary)-te puihna turin an account-ah Rs. 2,000/- theuh thunluh a nih tur thu a puang tawh a. Hei hi Mizoram sawrkar pawhin a rang thei ang bera kalpui nghalin PM-KISAN hnuaia loneitu (beneficiary) 40,890 te account-ah Rs. 8,17,80,000/- (Cheng vaibelchhe riat nuai sawmpasarih leh sing riat) chhunluh a ni.
Beneficiary-te account-a chhunluh a nih theihna tur hian Mizoram Agriculture Department-a thawktute chuan Hon'ble Agriculture Minister kaihhruainain Inrinni leh Pathianiah te pawh theihtawp chhuahin rim takin an thawk a.
Hetih mek lai hian PM-KISAN hnuaia loneitu inziaklut tawh, Bank account leh Aadhaar Card chiang tawk lo leh dik tawk lo, siam that ngai eng emaw zat leh pawm tawh zingah pawh an account-a la chhunluh loh eng emaw zat an la awm bawk a ni.
#MAMIT DISTRICT CHHUNGA COVID - 19 HRILENG MEKA KHUNGHRANTE DINHMUN
No.3413/2019-2020
Novel Coronavirus (COVID -19) hrileng mek avanga, Mamit District chhunga, Sawrkarin a siam Quarantine Centre hrang hrang leh mahni In-a khunghran( Home Quarantine) ah vawiin ni 30.3.2020 thleng hian mi 122 khunghran an ni tawh a. Vawiin bikah mithar khunghran belh an awm lova, amaherawhchu Bairabi Quarantine Center atangin mi 6 te chu remchan zawkna avangin, SSA Hostel, Luangpawl Mamit-ah sawn phei an ni. Ti hian mahni Ina khunghran hi Mi 109 awmin Sawrkar Quarantine Center- a khungkawm zat hi mi 13 an awm bawk a ni.
#COVID-19 DO NA TURA CM RELIEF FUND A VAWIIN THLENGA PUIHNA SUM LUT ZAT
No.3412/2019-2020
LIST OF CONTRIBUTIONS TO CHIEF MINISTER’S RELIEF FUND FOR COVID-19
(as on 30.3.2020)
Sl. No. | Name | Amount (in Rs.) |
1. | Mizoram Synod | 2,00,000 |
2. | The Salvation Army, India Eastern Territory | 1,00,000 |
3. | Mizoram Finance & Accounts Service Association | 1,00,000 |
4. | Miss Chapchar Kut 2020 | 10,000 |
5. | Mizoram Secretariat Service Association | 1,50,000 |
6. | P&E Revenue Division Staff Welfare | 10,000 |
7. | Netsurf Internet Service | 1,00,000 |
8. | Mizoram Primary Teachers Association | 1,00,000 |
9. | Mizoram Bar Association | 1,00,000 |
10. | United Pentecostal Church (NEI) | 2,00,000 |
11. | Diocese of Aizawl, Catholic Church | 1,00,000 |
12. | Harley Owners Association | 50,000 |
13. | Constable RK Hmingthansanga | 35,500 |
14. | Ex-MNA Association General Headquarters | 30,000 |
15. | Veterinary Diploma Holders Service Association | 10,000 |
16. | Excise & Narcotics Officers Association | 50,000 |
17. | Former Legislators Association of Mizoram (FLAM) | 1,00,000 |
18. | Cricket Association of Mizoram | 5,00,000 |
19. | Mr. Mamon Majumdar | 1,00,000 |
20. | Anonymous Contributor | 1,00,000 |
21. | Evanlegical Free Church of India | 20,000 |
22. | Mizoram Supply Accounts Service Association | 50,000 |
23. | Mizo Conference of Seventh Day Adventists | 1,00,000 |
24. | Personal contribution from Commissioners/Secretaries, Govt. of Mizoram | 1,39,875 |
25. | Anonymous Contributor | 5000 |
26. | MP C. Lalrosanga | 15,00,000 |
27. | Serchhip District Table Tennis Association | 10,000 |
28. | Mizoram Badminton Association | 1,00,000 |
29. | Mr. Alok Jain | 2,00,000 |
30. | Brig. BS Gill | 1,00,000 |
31. | Mizoram Civil Service Association | 6,30,650 |
32. | K.T. Thanga & Sons | 2,00,000 |
GRAND TOTAL (cheque/cash + online) | 52,01,025 | |
#DLTF COMITTEE, SIAHA DISTRICT-AH TANPUINA LUT CHHUNZAWM ZEL
No.3411/2019-2020
Vawiin DLTF Committee hnena tanpui pe tu te chu:
S/No. | Name | Amount |
1. | PD,DRDA | Rs.10,000/- |
2. | Forest Staff Association, MADC | Rs.40,000/- |
3. | BCM, TKP, Town Church Unit, Siaha | Rs.6000/-
|
4. | Siaha Teachers' Union | Rs.10,000/- |
5. | CCIM (KNP) Hqrs | Rs.10,000/- |
6. | Mizoram Maxicab Owners' Association(MMCOA),Siaha District | Rs.5000/- |
7. | DRO & Staff | Rs.20,000/- |
| Total | Rs. 101,000/- |
#HEALTH MINISTER KALTLANGA COVID-19 DONA ATANA SUM THAWHTE
No.3409/2019-2020
March 30, 2020 (Thawhtanni) a Health Minister kaltlanga COVID-19 dona atana tanpuina sum petute leh an pek zat :
Pu C Lallawmzuala, Kanaan Veng, Hnahthial - Rs. 10,000/-
Pu K.Vanlalnunpuia, Driver (MR) , SAD - Rs. 15,800/- (a thla khat hlawh)
Pachhunga University College Principal & Staff - Rs.6, 25,760/- (an ni khat hlawh)
# INDO-MYANMAR BORDER ZOKHAWTHAR LEIHLAWNA KHUALZIN TANGKHANGTE LACHHUAK, QUARANTINE CENTRE-AH DAH LUH NGHAL AN NI
No.3407/2019-2020
Covid-19 hrileng zel tur venna tura Zokhawthara Indo-Myanmar inkalpawhna leihlawn March Ni 21,2020 a khar anih tak avanga India khua leh tui Myanmar lama tangkhangte chu Mizoram lamah lakluh an ni. Medical Screening Team, Zokhawthara Duty mek te’n uluk taka an hriselna an enfiah hnuah Champhai district chhunga Quarantine Centre tura ruat pathum zinga pahnih, Zokhawthar Land Custom Station leh District Panchayat Resources Centre (DPRC), Keifangtlang-ah te him taka dah luh an ni.
Mizoram lama hruai luh takte hi an vaiin mi 28 an ni a, heng zinga mi pahnihte chu March Ni 28, 2020 Inrinni zan khan lakluh hmasak an ni a, a bak 26 dangte hi March Ni 29,2020 (Pathianni) zanah lakluh an ni ve leh a ni. Lakluh takte zinga mi 25 te hi District Panchayat Resource Centre (DPRC) Keifangtlang-ah dah luh niin, 3 dangte chu Zokhawthar Land Custom Station-ah dah luh an ni. Tihian tun dinhmunah Champhai district chhunga sawrkarin Quarantine Centre atana a ruat 3 ah mi 34 an awm mek a. DPRC Keifangtlang-ah mi 30 (Mipa 12, Hmeichhia 18) an awm mek a, Zokhawthar Land Custom Centre-ah mi 4 (Mipa 2, Hmeichhia 2) awm mek bawkin, Tlangsam Polytechnic Building-ah erawh tun dinhmunah dah luh an la awm rih lo a ni. March Ni 28, 2020 (Inrinni) khan heng khualzin tangkhangte hi Myanmar sawrkar chuan anmahni lam Gate hawngin an rawn chhuah phei tira, India ram lam Gate a inkhar vek avangin Leihlawnah hian an khawsa chhunzawm ta a ni. An harsatnate hriain Champhai district thuneitu te’n State sawrkarah hma laksak turin an thlen a, State sawrkar ruahmannain sawrkar laipuia Ministry of Home Affairs lamah dilna thlen a ni a, phalna hmuh anih hnuah lak luh fel an ni thei ta a ni.
Leihlawna an tan chhung hian district thuneitute leh Zokhawthar Village Level Task Force-te hmalaknain an mamawh eitur leh riahna turte ngaihvena chhawmdawl an ni. Tun dinhmunah hian Champhai District-ah in lama inkhung hrang home quarantine mek mi 434, Sawrkarin Quarantine Centre atana a ruat pathum zinga pahnihah mi 34 awm mekin, Isolation Centre-a dah an la awm lo a ni. Champhai district pumah Medical Screening mi 1131 tan neih a ni tawh bawk.
# SUPPLY MINISTER IN KOLASIB DISTRICT HOSPITAL A HMAN TUR PPE SET 150 A PE, BAIRABI RAIL STATION A BUHFAI INHLANCHHAWN DAN TUR ENPUI
No.3406/2019-2020
Vawiin khan Food, Civil Supplies & Consumer Affairs Minister Pu K Lalrinliana chuan District Hospital Kolasib a hman tur Personal Protection Equipment 150, N95 mask 150, shoe cover 150, Three layer mask 400 leh Covid-19 chungchanga hriattur inziahna leaflet thahnem tak Dr Robert Lalfakzuala, District Medical Superintendent hnen ah a hlan. Minister hian Covid-19 hri darh zel tur veng a duty te tlawh kualin, Kolasib Assembly Constituency chhung a Village Level Task Force 17 te hnen ah a tul apiang a hman tur Cheng Singkhat theuh leh Hand Sanitizer engemaw zah a pe nghal bawk a ni.
Minister hian Bairabi Rail Station a Labour Association Office tlawhin, hun harsa tak kar a buhfai thiar thintute chungah lawmthu a sawi a, harsatna an thlen ang te chu a ngaihtuahpui tur thu sawiin an hman tur Mask leh Hand Sanitizer a pe nghal bawk a ni. Bairabi FCI a thawktute kawmin, tunah hian buhfai wagon 42 awm mekin wagon 29 lo thleng leh mai tur a awm thu an sawi a. Labour ten buhfai hi Wagon atang a Truck a an hlanchhawn zung zung loh chuan, darkar 7 a pelh atang a darkar tin Wagon pakhat zelah Cheng 150 an chawi a ngaih thin thu an thlen a. Hemi avang hian buhfai lo thleng tur te thiar tur hian motor 300 vel a ngaih dawn thu an thlen bawk a ni. Minister chuan heng buhfai te hi a rang thei ang ber a thiar zung zung a nih theih nan Truck Owner Association te, Driver te leh mimal truck nei zawng zawng te pawh Mizoram mipui ten harsatna kan tawh loh nan a thei apiang thawhchhuah a tul thu a sawi.
Supply Minister hian Bairabi Primary Health Centre a a tul ang a hman tur PPE, Mask leh Sanitizer a hlan nghal bawk a ni.
# MIPUI MAMAWH PHURTUTE TANA SERCHIP DISTRICT A RESTAURANT LEH WORKSHOP INHAWNG TE
No.3405/2019-2020
Nationwide Lockdown kalpui chhunga mipui nitin mamawh (essential commodity) phurtu lirthei ten an hman turin Serchhip District chhungah heng a hnuaia Restaurant leh Mechanical Workshop te hi ruahman an nih thu Pu C. Zadailova, DCSO, Serchhip chuan a tarlang:
RESTAURANTS:
1. SERCHHIP – Serchhip Hotel, Sailiam Kawn, a neitu Pi Maduhi,
Contact: 8415262934/936641433
2. THENZAWL (VACHA DIL) - Sangpuii Hotel, contact: 8787829321
3. KHUMTUNG - Dinmawia Hotel, a neitu: Tlanmawia,
Contact: 936652095
4. KEITUM - Five Sister Hotel, a neitu: Zosangliani,
Contact: 8415843087
5. TUICHANG HOTEL - (Keitum – N. Vanlaiphai Road), a neitu:
Hmangaihsangi, contact: 8730964633
MECHANICAL WORKSHOP:
- 1. NEW SERCHHIP SOUTH (near IOC)-Bawla Workshop, contact: 7085073445
- 2. THENZAWL VENGTHLANG - Azoa Workshop, contact: 8259906422
- 3. KEITUM - Keitum Puncture Work, a neitu CV Lalneihmawia, contact: 8258882847
# SERCHHIP DISTRICT MAGISTRATE THUCHHUAH
No.3404/2019-2020
Pu H. Dolianbuaia, District Magistrate & Chairman, District Disaster Management Authority, Serchhip District chuan Sec. 33 of Disaster Act, 2005 in thuneihna a pek angina a hnuaia Executive Magistrate te hi Incident Commander atan a ruat a. An bial chan turte nen chung mite chu:
Sl. No | Incident Commander | Jurisdiction | Contact No. |
1 | Kulothungan A, SDO(C), Thenzawl | Thenzawl Town, Buangpui, Neihloh, Zote ‘S’, Kanghmun ‘S’ | 9943739336 |
2 | C. Lalduhzuali, SDO (Sadar) Serchhip | Serchhip – III, Serchhip – VI, Serchhip – VII | 8413058436 |
3 | Vanlalhmachhuana, Election Officer, Serchhip | Keitum, Bungtlang, Thinglian, Hmunzawl, Rullam, Lungpho, Ngentiang, Serchhip IV, Serchhip- VIII | 9862237347 |
4 | Dorothy Muansangi, SDO(C), N. Vanlaiphai | N. Vanlaiphai, Lungkawlh, Sialsir, Bawktlang, Lungchhuan | 9774066872 |
5 | H. Lalhruaitluanga, BDO, E. Lungdar Block | E. Lungdar, Mualcheng, Leng, Sailulak, Khawlailung, Piler, Chawkawn | 8131852226 |
6 | Samuel Zodinsanga, SDC Serchhip | Hriangtlang, Serchhip – I, Serchhip – II, Serchhip – V | 9862409765 |
7 | Denny Lalchhuanawma, SDC Serchhip | Chhingchhip, Chhingchhip Mualpui, Buhkangkawn, Baktawng, Chhuanthar Tlangnuam, Khumtung, Hmawngkawn, Hualtu, New Serchhip North, New Serchhip South | 8787708157 |
8 | C. Zadailova, DCSO Serchhip | Chhiahtlang, Khawbel, Hmuntha, Thentlang, Sialhau, Vanchengte | 9436154116 |
# COVID-19 CHUNGCHANGAH LAWNGTLAI DISTRICT THUNEITUTE'N BLOCK HRANG HRANG TLAWHIN, RUAHMANNA AN SIAMPUI
No.3402/2019-2020
COVID-19 vanga inkharkhip kalpui mekah District mipuite'n harsatna an tawh loh nan Lawngtlai Bawrhsap Pi Shashanka Ala, IAS kaihhruaina hnuaiah District Level Task Force chuan ruahmanna hrang hrang a siam a. State lam atanga tih tur hrang hrang an tuk te tha taka an hlen chhuah zel bakah, Bawrhsap ruahmannain official-te'n District chhunga block hrang hrang an tlawh.
Lawngtlai Bawrhsap Pi Shashanka Ala, IAS chuan March ni 26 khan Chawngte tlawhin, block level meeting a neihpui a. March ni 27 khan Additional DC Pu K. Laltlawmlova, MCS chuan Sangau tlawhin, DRDA Project Director Pi Marilyn Rualzakhumthangi, MCS chuan Bungtlang 'S' a tlawh a. Block level meeting neihpuiin, inkharkhip chhunga mipuiin harsatna an tawh lohna turin ruahmanna hrang hrang an siampui a ni.
Meeting neih zawhah block hmunpui (headquarters)-a quarantine facility leh isolation facility te tlawhin, an endik a. Screening point-a screening kalpui dan an enfiah bawk.
COVID-19 dona kawnga a hma tawnga thawkte invenna tur hmui tuamna (mask), Bawrhsapin New Delhi atanga a chah thlen chu block an thlawhnaah hian block incident commander-te hnenah an hlan nghal bawk a ni.
# MAMIT-AH DISTRICT LEVEL TASK FORCE ON COVID-19 THUKHAWM
No.3401/2019-2020
Vawiin khan DC Conference Hall, Mamit-ah Dr. Lalrozama, IAS, District Bawrhsap/ Chairman District Level Task Force On COVID-19 hovin Coronavirus hrileng mek avanga India ram puma Lockdown kalpui mekah Mamit District chhung ei leh bar chungchang bakah hrileng laka kan him zel dan tur thlirho-a thutkhawm a ni.
Meeting-ah hian Mamit District-in thlaihnah chungchangah surplus nei lo mahse hmun hla tak atanga lak luh ngai lovin Mamit khaw chhehvel Darlak, Bawngva, Dampui, Phaizau khua, thlaithar zuar association atangin hun eng emaw chen chu mipui mamawh an phuhruk theih beisei a nih thu tarlan a ni a. Heng chawhmeh inhlanchhawn chungchang leh mipuite hnena hralh chhuah chungchangah hian VLTF te chu tha an tih dan leh a remchan ang anga hmala tura tih an ni a. Hei bakah hian Bazar hawng lova nitin mamawh Buhfai, Dal, Tel, etc. mipuite'n an tlakchham lohna turin leh awmze nei taka hralh anih theih nan VLTF ruahmanna anga kalpui chhunzawm rel a ni a. Mipuite chu pawn chhuak lo hram hram tura ngen an ni.
Vawiin Meeting hian Mamit Petrol pump-in lockdown chhunga free sale anga kalpui lova, permit nei leh Official mamawh zualte tan chauh an pe chhuak thin chu chhunzawm zel tura tiin zing Dar 9:00 atanga Chhun Dar 12 thleng inhawng thin tura ruahman a ni.
Meeting-ah hian Mamit Khawpui chhunga dawr lian zual 11- a nitin mamawh chhekkhawl tlangpui zirchianna atanga kan dinhmun ngaihthlak a ni a. Tunah hian Buhfai 5225 kgs, Dal 140 kg, leh Tel 636 Litres chhekkhawl a ni a, CL Filling Station-ah Petrol 14000 litres leh Diesel 12000 litres a la awm bawk a ni.
# CM RELIEF FUND KALTLANGIN COVID-19 VANGA PUIH NGAITE PUIH THEIH RENG A NI
No.3400/2019-2020
Tunlaia Novel Coronavirus hrileng avanga khawvel ram hrang hrangin buaina kan tawh laiin Mizoramah pawh sawrkar leh mipui tanghovin kawng hrang hrangin kan him tlan nan hmalak mek a ni a. Chutihlai chuan lockdown leh curfew avanga harsatna tawk an tam hle a. He hri do tura a hmatawnga awm medical mithiamte, venhimna hna thawktute, State, District leh Village/ Local Level Task force mi te bakah chakkhai phurtute leh adangte, loh theih lova hrilen laia chhuah ngai an awm bawk a. Theihtawp chhuah a he hrileng do hna kan thawh lai hian puih mamawhtu mi hrang hrang te chhawmdawlna turin leh a tul leh tangkai dan ang zela hman turin Chief Minister's Relief Fund-ah mi inphal leh thahnemngaite tan engtik lai pawhin puihna sum a pek theih a ni.
CM Relief Fund ah hian kawng thum in puihna hi a pek theih a. Chungte chu:
1) Sumfai - Hei hi Chief Minister's Office ah pek mai theih a ni
2) Cheque - Chief Minister's Relief Fund thleng tura ziakin Chief Minister's Office ah a pek mai theih a ni
3) Online in HDFC account ah a thun mai theih a ni.
Account details -
Name of Bank : HDFC
Branch Name : Aizawl
Account Number: 18141450000025
NAME : CHIEF MINISTER'S RELIEF FUND
IFSC : HDFC0001814
# VEGETABLE SUPPLY CHAIN CHUNGCHANGA LUNGLEI DC HRIATTIRNA
Lunglei District chhunga khaw hrang hrang-a thlai thar lakluh leh hralh chungchangah hetiang hian ruahmanna siam a ni.
1. Lunglei khawpui chhungah chawlhkar khat chhungin vawihnih (ni hnih) thlai lakluh leh zawrhna hun siam a ni anga. Tun atan chuan Thawhlehni (Tuesday) leh Inrinni (Saturday)-ah te hetiang hun hi siam a ni ang.
2. Lunglei-a thlai lakluh dan tur chungchangah Vegetable Supply Chain Committee in ruahmanna a siam anga. He committee-ah hian DC Chairman niin DHO, Lunglei chu Member Secretary a ni. He committee hian thlai lakluh dan tur ruahmanna a siam anga, thlai hralhna tur veng VLTF te leh thlai lakluhna tur khua VLTF te nena inbiakrawn fel leh hnuah chauh thlai hi lakluh leh hralh tur a ni.
3. Nikhatah lunglei khawpui chhung huap veka thlai lakluh leh zawrh hi a remchan loh theih avangin Inrinni-a thlai zawrh lohna vengah Thawhlehni-in zawrh a ni ve thung anga. Khawdang atanga lakluh danah pawh vawikhata khaw hrang hrang atanga lakluh vek a remchan loh theih avangin Inrinni-a thlai lakluh lohna khuate atangin Thawhlehni-ah lakluh a ni ve thung ang. He ruahmanna baka remchang dang a inhawng a nih chuan Vegetable Supply Chain Committee leh VLTF ten ruahmanna an siam ang.
4. Tlabung-ah chuan SDO(C) Tlabung hovin a tul dan anga ruahmanna siam a ni anga, khaw dangah pawh khua-in remchanna a neih angin VLTF ten ruahmanna an siam ang.
5. Thlai zawrh dan hi fimkhur taka kalpui zel tur a ni a, VLTF kaltlang zela thlaite hi zawrh a ni ang. Mipui pungkhawm lo leh mi inchim lo tura ruahmanna siam zel tur a ni ang.
# LENGTENG BIALTU MLA IN MLA FUND ATANGIN DAMDAWI IN TANPUINA SEM
No.3399/2019-2020
21-Lengteng MLA leh Vice Chairman, Human Resources Development Board, Mizoram Pu L. Thangmawia chuan MLA Fund atangin a bial chhunga Damdawi In 4 te hnenah hetiang hian țanpuina vawiin 30.3.2020 khan a sem.
1. Ngopa CHC - Rs 20,000/-
2. Mimbung PHC - Rs 15,000/-
3. NE Khawdungsei PHC - Rs 15,000/-
4. Kawlkulh PHC -Rs 15,000/-
Heng pawisa te hi SDO (Civil), Ngopa kaltlanga pek a ni a. He tanpuina sumfai hi tunlai hrileng COVID -19 avanga rim taka thawk a, state dang leh ramdang atanga lo haw leh khualzin hrang hrang hriselna endiktu Damdawi ina thawktuten a țul apianga an hman tura tih a ni.
# SIAHA TOWN ESSENTIAL COMMODITIES DINHMUN (AS ON 29.3.2020 11:45 PM)
No.3398/2019-2020
1.Niminah Kaochao 'E' atanga thlaithar 709 trip 2 lokal chu Village Level Task force 9 te hnenah an area theuh a tihral turin hralh chhuahpui a ni.Kaochao-'E' Task force hruaituten chawhmeh te hi an rawn kengchho a ni.
2.Bualpui 'Ng' atanga khawtlang chakkhai la tura lokal te chu Siahatla Taskforce te nen an mamawh lo dappui an ni.
3.Vawiin 29.3.2020 6:30Pm a Siaha khawpui eichawp dawr lianzual 12 atanga stock report hetiang hi a ni:-
a)Buhfai - 467bags, b)Atta - 54bags,
c)Chini - 277bags,
d)Alu - 5bags, e)Purunsen - 10bags,
f) Dal - 105bags.
4. Zaninah Jt. VC Chairman,Jt. VC Secretary leh MTP Hqrs aiawh te nen meeting neihho a ni a,Thingtlang lam a tanga eichawp lo lam turte lo dawnsawn dan tur leh thlai thar mumal zawk a lakluh a,felfai zawk a tihral dan te sawiho a ni.Naktuk hian Vawmbuk lam a tangin chakkhai la an lokal dawn a,lo enpui an ni ang.
5.Tun dinhmunah Rama F/S Siaha-ah POL underground Stock dinhmun:-
a)Petrol (MS) - 21000lit,
b)Diesel (HSD) - 22000lit.
6.PDS Item-ah buhfai April thla quota sem mek a ni a,hei hian nasa takin mipui mamawh a phuhru a,gas pawh thlaphanna em em awmlo turah ngaih a ni.
