No.3350/2019-2020
# COVID-19 VEI ENKAWLTUTE HMAN TUR PPE A LO THLENG
No.3333/2019-2020
Mizorama Covid-19 vei damlo enkawltuten an mamawh em em, an invenhimna tur thuam, Personal Protective Equipment (PPE) set 10900, N-95 mask 10,000, infrared sensor 200 leh shoe cover 900 chu vawiin chawhnu dar 1:20 khan Lengpui Airport a lo thleng fel ta.
Tarlan tawh angin New Delhi atanga Mizoram rawn phur thleng turin state sawrkar chuan Air India Cargo Airbus -319 thlawhna a hire a. Heng bungraw lo thleng te hi a vaiin kg 1797 a rit a ni a, bawm 138 ah fun hran a ni.
Heng bakah hian Guwahati atangin PPE kit 400, Hand Sanitizer liter 1000, cap- 1000, shoe cover - 1000, non woven material - 700, surgical gown -179 chu lirthei hmanga phurh niin kalkawngah a thang mek bawk a ni.
Thlawhna thlawh theih loh lai a ni a, Chief Minister hmalakna leh Home Ministry a zuk nawrna avangin North East State zingah thlawhna chang hmasa ber kan ni. Andhra Pradesh nen Consignment kan inṭawm a. Hetih lai hian Sikkim, Arunachal Pradesh, Nagaland, Manipur, Meghalaya leh Assam ten an consignment an la phur lut ve lo.
PPE kan neih thuai theihna tura Chief Minister hmalakna leh Covid-19 dona tura Health Minister hmalakna zarah PPE Kits leh equipment pawimawh dang engemawzatin Mizoram a lo thleng thei a. Sorkarin theihtawp a chhuah avangin Covid-19 vei enkawltu, Doctor leh Nurse te inthuamna tur leh thawktu dangte invenna tur changtlung zawk kan neih belh ta a ni.
# SUPPLY MINISTER-IN TANHRIL A FCI KUDAM LEH ZUANGTUIA SUPPLY KUDAM TLAWH
No.3341/2019-2020
Supply Minister Pu K. Lalrinliana chuan vawiin khan FCI kudam, Tanhril leh Zuangtuia Supply kudam tlawhin Truck driver ten FCI kudam atanga Zuangtuia Supply kudama buhfai buk tura an phurh hreh chhan a enfiah.
Tunhnaia Tanhrila FCI kudam weighbridge aia Zuangtuia Supply kudam weighbridge (buhfai phur truck bukna)a buhfai phur truck buk a zan zawk avanga Truck driver ten buhfai phurh luh an hreh avanga harsatna awm theite Supply Minister hian enfiahin uluk takin Truck ruak leh buhfai full load rih zawng buk a enpui a, he truck hi Zuangtuia supply kudamah hruai chhovin Zuangtui supply kudam weighbridge ah uluk takin a buk tir leh vek a ni. Hemi hnu hian Minister chuan Zuangtui supply kudam a weighbridge chu hman chhunzawm tawh loh turin thutlukna a siam nghal a, weighbridge thlakna tur digital weighing machine lian chi tuna chah mek chu a rawn thlen thuai beisei a nih vangin Zuangtui kudama awm digital electronic weighing machine te chi chu hman rih turin ruahmanna a siam nghal a ni.
Supply Minister chuan Mizoram Truck Drivers’ Association in Mizoram mipuite kan riltama kan awm phal lova theihtawp chhuah an tum thu thuchhuah an siam chu a lawmthu a sawi a. MizoramTruck Owners’ Association te pawhin tha taka sawrkar thawhpuia Bairabi-a Mizoram buhfai tur rela lo thleng la chhuak zung zung tura theihtawp an chhuah vangin lawmthu a sawi bawk a ni. Tunah hian buhfai wagon 68 lai Bairabi ah a ding mek a, a phur tur truck indaihloh vangin tunah hian MLA te leh mi tlawmngai ten an truck te an thawh a, a tul chuan sawrkarin ruahmanna dang a siam zel ang a ti a ni.
Local Task Force te thawhrimna fakawm a tih thu sawiin Minister chuan Mizoram mamawh supply rawn phur luttu te hi lo screening paltlang thlap, a him tawka ngaih an ni a, tha taka lo tanpui a lo tikhawtlailo turin a ngen a, kan indanchar chuan riltam vangin harsatna lian zawk kan nei thei a ni tiin Mizoram mamawh rawn phurlut tu ten a hun taka an thil phurhtr an thlen theih nan tanpui turin a sawm a ni.
Minister chuan Supply Retailer ten ration buhfai man DCSA/Supply centre a an pek lawk thin chu a pangngaia kalpui tur a nih thu sawiin delivery order issue hnu ah a tul angina Supply department atanga re-imburse sak leh an nih tur thu a sawi.
# SLBC HNUAIA BANK TE LOCKDOWN CHHUNGIN AN IN HAWNG DAWN
No.3340/2019-2020
State Level Bankers’ Committee(SLBC) leh Chief Secretary Pu Lalnunmawia Chuaungo te inkawmnaah Bank hnathawk te’n Lockdown chhunga hna an thawh theih dan tur rel a ni a. Ruahmanna anga chuan 30.03.2020 atanga 14.04.2020 thleng zing dar 10 leh chawhnu dar 2 inkarah Bank hawn a ni dawn a. Bank hawn chhung hian Pawisa dahluh leh lakchhuah, Cheques Clearing, Sawrkar sum dahluh, lakchhuah leh chevel bakah ATM pawisa dahluh hna te thawh a ni ang. He ruahmanna hi 14.04.2020 hian ennawn leh tura tih a ni.
# COVID-19 A MIZORAM DINHMUN CHUNGCHANGAH UNION HOME MINISTER LEH CHIEF MINISTER INBIA
No.3332/2019-2020
Union Home Minister Pu Amit Shah chuan vawiin khan tuna Novel Coronavirus (COVID-19) hrileng meka Mizoram dinhmun te zawtin Chief Minister Pu Zoramthanga a rawn bia a. Mizoram tan sawrkar laipui a inhawn reng thu a hrilh.
Chief Minister chuan Union Minister in a zawh angin Mizoram dinhmun leh hmalakna hrang hrang te a hrilh a. India ram pum lockdown puan a nih hmaa Mizoramah lockdown lo kalpui a nih tawh thu te, ram pum tan ramchhung thlawhna (domestic flight) thlawh tawp a nih hmaa Lengpui airport chu khar a lo nih tawh thu te leh border khar a nih dan te bakah, state level mai nilo, district huap leh village/ local level a Task force din a nih dan te a sawipui a. Health department leh mithiam ten hma an lak dan te leh Kohhran, tlawmngai pawl leh mipui in lungrual taka tan an lak dan te a sawipui bawk.
Union Minister for Home Affairs Pu Amit Shah chuan Chief Minister hnenah hian Mizoramin mamawh a neih chuan sawrkar laipui chu a inhawn reng thu sawiin, he natna hrileng avanga harsatna tawh chu a reh thuai a beisei thu te a sawi a ni.
# COVID-19 KAI LOH NAN MIDANG HLATA AWM (SOCIAL DISTANCING)
No.3331/2019-2020
COVID-19 hi boruakah amaha lo piang a ni ngawt lo va. He natna veitu, novel coronavirus hrik paite lak atanga kai chhawn a ni. He natna hi droplet infection an ti a, chu chu a hrikpaitute khuh emaw hahchhiau emaw atanga lo chhuak kha mihring mitah te, kaah leh hnarah te emaw a luh khan an lo inkai chhawng ta thin a. Hei hi inkaichhawn dan awlsam ber a ni. Chuvangin, he natna kan inkaichhawn zel lohna turin hriselna lama mithiamte chuan midang hnaiha awm lo tur leh, midang nen kan inkarah feet ruk tal tlak tir zel turin mipuite min ngen mawlh mawlh a ni.
Mizo mipuite pawhin midang hlata awm (social distancing) kan hre lar tawh hle a. Chutihlaiin, a awmzia man fuh lo tam tak kan awm niin a hriat a. Mamawh kan lei dawnin intlar ngei ngei a ngaih chang a awm a. Gas la tur intlar, gas bur khat tak taka rem tlar a, a viltu mihring awm khawm leh tel tel si thlalak hmuh tur a awm nawk mai. Kan gas bur emaw, kan ration lakna tur ip te inhlat taka rem khan min chhanhim dawn lo a, a la tu mipui zawkte hi midang hlata kan awm a tul tih i hre thar ang u. Loh theihloha chhuah ngai duty te pawhin hei hi kan him tlanna tur a nih hriaiin i fimkhur lehzual ang u.
#DEPUTY CM PU TAWNLUIA LEH HUMAN RESOURCES DEVELOPMENT BOARD VICE-CHAIRMAN PU L.THANGMAWIA TEN TANPUINA AN HLAN
No.3343/2019-2020
Covid-19 dona tura hmalakna atan Deputy Chief Minister leh Tuichang bialtu MLA nibawk Pu Tawnluia hnen tang leh Human Resources Development Board Vice Chairman leh Lengteng bialtu MLA nibawk Pu L.Thangmawi hnen atangin Khawzawl District Level Task Force on Covid-19 chuan tanpuina a dawng.
District Level Task Force leh Village Level Task Force, 22-Tuichang Assembly Constituency huam chhunga mi ten a tul apianga an hman thei turin Pu Tawnluia chuan nimin khan tanpuina sum fai Rs. 1,72,000 a a pe a. Deputy Commissioner Khawzawl leh Distric Level Task Force Chairman ni bawk Pu H.Lianzela chuan nimin vek khan Zaingen YMA Hall-ah Khawzawl khawchhunga Village Level Task Force hrang hrang aiawhte hnenah a hlan nghal a ni. Human Resources Development Board Vice Chairman Pu L. Thangmawia, 21-Lengteng A/C MLA chuan Khawzawl District Level Task Force hnenah tanpuina Rs.1,00,000/- a pe bawk a. Mizoram Tottenham Hotspur Fans Club-te pawhin Khawzawl District Level Task Force hnenah tanpuina Rs 25,000/- an hlan bawk a ni.
Khawzawl District Level Task Force on Covid-19 chuan Khawzawl District mipuite hripui laka an him theihna tura hmalatu leh mamawhtute tan inphal taka tanpuina petute chungah thinlung takin lawmthu a sawi a ni.
# SPEAKER IN CHALFILH BIAL CHHUNG KHAW TINA TASK FORCE TE TANPUINA A HLAN
No.3346/2019-2020
Vawiin ni 27th March, 2020 khan Mizoram Assembly Speaker, Pu Lalrinliana Sailo chuan a bialchhung, Chalfilh biala khaw hrang hrang khaw 24 a COVID-19 do nana hah taka thawktu, Village Task Force zawng zawngte'n a ṭul apianga an hman turin sumfai Rs 800,000(eight lakh) bakah Surgical Glove leh Face Mask ṭhahnem tak mai a hlan.
Speaker Pu Lalrinliana Sailo chuan Sawrkar in Zoram mipui te ei leh bar kawngah mipuiten harsatna an tawh lohna turin theihtawp a chhuah zel a ni tih sawiin; AAY, PHH thlan chhuahte tan free ration Sawrkar in a sem thei tur hi a lawmawmin a ropui hle a ni, a ti a. Speaker chuan harsat mangan thu hla ah bial mipuite pui tura a inpeih reng thu sawiin, he hunkhirh tak ramin a tawn mek hi Mizo hnam, hmasang kan pi leh pu nun ze mawi Tlawmngaihna kan parchhuah tir hun ni se, Zoram mipui, Zohnahthlak zawng zawngte min phuarkhawm tu nise a duh thu a sawi a. Khawtlangah ṭhenawm khawveng chhuanchham an awm pawh a tlan chhe lova 'Sem sem dam dam ei bil thi thi' nun a tak a lan chhuah puitu ni ṭheuh turin bial mipuite a chah a.
Thuthang leh thu puarpawleng avanga chiai lo tur te, Sorkar thuchhuak ngun taka ngaithlaa thuawih taka zawm hram hram turin leh COVID-19 dolet nana thathawhtu, Sorkar hruaitute, kan Medical Team te leh Village Task Force te tan bang lova ṭawngtai zel turin Chalfilh bial mipuite a ngen a ni.
# DR ZR. THIAMSANGA’N TANPUINA A HLAN
No.3342/2019-2020
Covid-19 laka hmalakna hrang hrang kalpuina turin Champhai North Bialtu MLA Dr. ZR Thiamsanga, Vice Chairman, Health & Family Welfare Board nibawk chuan MLA Fund atangin cheng nuai 5 chu Champhai District Task Force on Covid-19 hnenah a hlan.
MLA Fund hi a aiawhin Champhai North Block hruaitute chuan Addl DC Champhai Pu Mark Lalthanliana hnenah an hlan a. District Level Task Force on Covid-19 in a tul apianga a hman theih turin cheng nuai 1 ruahman a ni a. Champhai North bial chhung khua/veng hrang hranga Village Level Task Force te’n a tul apianga an hman turin cheng nuai 4 ruahman a ni.
Dr. ZR Thiamsanga hian Zokhawthar-a Medical Screening titu Medical Team-te tan cheng singkhat a lo pe tawh bawk a. Health & Family Welfare Board Vice Chairman hmalakna hian Zokhawtharah Medical Team-te awmna tur hmunhma buatsaih niin, Assam Type in a dung feet 34 leh avang feet 12 a zau chu hman mai theiha peihfel a ni tawh bawk.
# LENGTENG BIALTU MLA IN CHHAWMDAWLNAN SUM RS 3,17,000 LEH BUHFAI SEM
No.3330/2019-2020
Pu L. Thangmawia, MLA chuan District Level Task Force - Saitual tan Rs 1,00,000 leh Khawzawl District tan atul apiang a an hman atan Rs 1,00,000/- a pe a.
Lengteng bial chhung khaw hrang hrang Village Level Task Force (VLTF) ten atul apiang a an hman atan Rs 117,000/- hetiang hian a pe bawk :
1. Kawlkulh North - Rs 5000/-
2. Kawlkulh - Rs 7000/-
3. Dulte - Rs 5000/-
4. Vankal - Rs 5000/-
5. Puilo - Rs 5000/-
6. Chhawrtui - Rs 5000/-
7. Vanchengpui - Rs 5000/-
8. Hliappui - Rs 6000/-
9. Saichal - Rs 5000/-
10. Changzawl - Rs 5000/-
11. Pawlrang - Rs 5000/-
12. Lamzawl - Rs 5000/-
13. Ngopa - Rs 10000/-
14. NE Khawdungsei - Rs 7000/-
15. Chiahpui - Rs 5000/-
16. Khawkawn - Rs 7000/-
17. Mimbung - Rs 7000/-
18. Hrianghmun - Rs 7000/-
19. Teikhang - Rs 5000/-
20. Kawlbem - Rs 6000/-
Vawiin tho khan SDO, Ngopa Civil kaltlangin 21-Lengteng bialtu MLA, Pu L. Thangmawia hian a MLA fund atangin heng a hnuaia khua a chhungkaw hrang hrang, APRIL 2020 buhfai quota sem tur nghak zo lo te tan buhfai a sem sak bawk a. Heng buhfai te hi village task force te kutah hlan a niin, anni hian an khua țheuha mamawh bik te hnenah rualkhai thei ang berin an lo sem chhawng leh ang.
1. Ngopa tan - 5 qtls
2. Kawlbem - 3 qtls
3. NE Khawdungsei- 2 qtls
4. Hliappui - 2 qtls
5. Chiahpui -1.5 qtls
6. Lamzawl - 1.0 qtl
# SIAHA DC IN DELHI-A A THIAN TE ATANGIN MASK 10,000 A DAWNG
No.3338/2019-2020
Siaha DC Pu Bhupesh Chaudhary IAS,chuan New Delhi a a thiantha te atangin mask 10,000 a chah thleng.
He mask hi Covid-19 kaihnawiha Frontline a duty Dept zawng zawng te, Medical staff te, VLTF te, NGO leh quarantine facility staff etc..te hnenah semchhuah a ni ang.
MAMIT DISTRICT CHHUNGA COVID – 19 HRI LENG MEK AVANGA HOME QUARANTINE DINHMUN
No.3337/2019-2020
Novel Coronavirus ( COVID – 19 ) hri leng mek avanga, fimkhur thilthu-ah Mamit District chhunga Home Quarantine tura tihte vawiin Dt 27.3.2020 hian mi 12 report dawn belh a ni a, tihian tun thlenga dinhmun chu a hnuaia mi ang hi a ni. Mahni ina inhrung hrang tura tihte Mamit District chhung khaw hrang hranga Village Level Task Force-te chuan fimkhur takin an kalpui mek zel a ni.
| Till Dt 24.3.2020 | 25.3.2020 | 26.3.2020 | 27.3.2020 | Commulative till dt 27.3.2020 | |
Sl. No | Veng/Khua | A zat | A zat | A zat | A zat | A zat |
1 | Mamit Town | 16 | 4 | 2 | Nil | 22 |
2 | W. Lungdar | 1 | Nil | Nil | Nil | 1 |
3 | Dampui | 1 | Nil | Nil | Nil | 1 |
4 | W. Phaileng | 3 | 4 | Nil | Nil | 7 |
5 | Bawngva | 3 | Nil | Nil | Nil | 3 |
6 | Darlak | 5 | Nil | Nil | Nil | 5 |
7 | Lallen | 2 | Nil | Nil | Nil | 2 |
8 | Sihthiang | 4 | Nil | Nil | Nil | 4 |
9 | Kolalian | 4 | Nil | Nil | Nil | 4 |
10 | Tuipuibari | 3 | Nil | Nil | Nil | 3 |
11 | Tumpanglui | 2 | Nil | Nil | Nil | 2 |
12 | Hriphaw | 1 | Nil | Nil | Nil | 1 |
13 | Kawrthah | 1 | Nil | Nil | Nil | 1 |
14 | Tuidam | 3 | Nil | Nil | Nil | 3 |
15 | Damdiai | 2 | Nil | Nil | Nil | 2 |
16 | Tlangkhang | 4 | Nil | Nil | Nil | 4 |
17 | Kanghmun | 3 | Nil | Nil | Nil | 3 |
18 | Andermanik | 9 | Nil | Nil | Nil | 9 |
19 | Rajiv Nagar | 6 | Nil | Nil | Nil | 6 |
20 | Khantlang | 2 | Nil | Nil | Nil | 2 |
21 | Zawlpui | 1 | Nil | Nil | Nil | 1 |
22 | Pangbalkawn | 2 | Nil | Nil | Nil | 2 |
23 | Silsury | 4 | Nil | Nil | Nil | 4 |
24 | Kanhmun | 5 | Nil | Nil | Nil | 5 |
24 | Zawlnuam | 1 | 2 | Nil | Nil | 3 |
25 | An awmna khua tarlan loh | 4 | Nil | Nil | Nil | 4 |
26 | Phuldungsei | Nil | 1 | Nil | Nil | 1 |
27 | Hnahva | Nil | 2 | Nil | Nil | 2 |
28 | Parvatui | Nil | 2 | Nil | Nil | 2 |
29 | Kawnmawi | Nil | Nil | Nil | 3 | 3 |
30 | Darlung | Nil | Nil | Nil | 2 | 2 |
31 | Kawrtethawveng | Nil | Nil | Nil | 2 | 2 |
32 | Mualthuam | Nil | Nil | Nil | 1 | 1 |
33 | Kananthar | Nil | Nil | Nil | 4 | 4 |
| TOTAL | 92 | 15 | 2 | 12 | 121 |
#COVID-19 DO NAN CM RELIEF FUND AH PAWISA CHHUNG
No.3328/2019-2020
Coronavirus (Covid-19) do turin leh he natna laka mipui an him theihna tura Mizoram Sawrkarin hma a lak naah a tul apianga hman atan Chief Minister's Relief Fund-ah mimal leh pawl atangin puihna sum a lut thin a. Vawiin khan The Salvation Army, India Eastern Territory Territorial Headquarters chuan Rs. 1,00,000 hlanin, Mizoram Finance & Accounts Service Association atangin Rs. 1,00,000 bawk CM Relief Fund atan hian hmuh a ni a. Chief Minister's Office aiawhin Addl. Chief Secretary Pu J.C Ramthanga chuan a lo dawng a ni.
Vawiin vek khan Nl. Zonunmawii, Chapchar Kut Miss 2020 chuan CM Relief Fund atan hian Rs. 10,000 a pe a. CM office aiawhin Addl. P.S to Chief Minister Pu Lalfamkima'n a dawng.
# COVID-19 BULLETIN
# No.12016/1/2020-PD/NHM
GOVERNMENT OF MIZORAM
HEALTH AND FAMILY WELFARE DEPARTMENT
COVID-19 BULLETIN Date:27.3.2020
WHO chuan Novel Corona Virus(COVID-19) chu khawvel pumah darh tawhah a puang a, ram 199 ah a darh tawh a ni. Khawvelin a rang thei ang bera hmalak ngaihna a ni. Hetiang a lo nih takah chuan Mizoram sawrkar pawhin he natna laka invenna leh a veite hmuhchhhuah zung zung theihna turin hma a la a. February, 2020 atang khan Lengpui Airport leh ramri-ah zin mite chu he natna an vei leh vei loh endik thin an ni. He COVID-19 lo darh zel tur ven anih theih nan mipuite chu sawrkarin mipui himna tura a thuchhuahte zawm vek tur a ngen kan ni. Mitin ten kan khuhin kiu/ban thlep in ka kan hup tur a ni a, tui leh sahbawnin fai takin kutsil fo tur a ni. COVID-19 vei awmna ram/state atanga lo haw te chu, an lo thlenni atangin ni 14 tal, mahni inah emaw sawrkar hmun ruat bikah awm hran tur ani. Hei hi natna nei lote pawhin an zawm ngei tur a ni.
COVID-19 chungchanga hriat duh neite leh khawsik, khuh, hrawkna leh thawhah neite chuan Helpline no. 102(toll free), 0389 2323336, 0389 2318336 –ah phone tur a ni.
Status of State Surveillance of COVID-19(Time: 26.3.2020 12Noon – 27.3.2020 12:00 Noon)
S.No | Category | New added on Date:27.3.2020 | Cumulative till Date:27.3.2020 |
1 | Number of persons screened | 257 | 60951 |
2 | Number of persons quarantined | 0 | 198 |
| Number of persons advised for home quarantine | 59 | 2449 |
3 | Number of persons isolated | 4 | 4 |
4 | Number of samples collected for test of COVID-19 | 2 | 28 |
5 | Number of samples tested positive | 1 | 1 |
6 | Number of persons hospitalized | 1 | 1 |
7 | Number of deaths | 0 | 0 |
Details of Screening at various screening sites in Mizoram
Date :27.3.2020 (Time: 26.3.2020 12Noon – 27.3.2020 12:00 Noon)
Sl No | Name of Screening Sites | Name of District | No. of persons screened | No. of persons Quarantined | No. of persons advices for home quarantined | No. of persons isolated | No. of sample collected for test of COVID-19 | No .of sample tested positive | No. of persons hospitalized | No. of death |
1 | Lengpui Airport | Aizawl West | 0 | 0 | 0 | 0 | 0 | 0 | 0 | 0 |
2 | Vairengte | Kolasib | 241 | 0 | 59 | 0 | 0 | 0 | 0 | 0 |
3 | Bairabi | Kolasib | 16 | 0 | 0 | 0 | 0 | 0 | 0 | 0 |
4 | Tlabung (Kawrpuichhuah) | Lunglei | 0 | 0 | 0 | 0 | 0 | 0 | 0 | 0 |
5 | Saisihchhuah | Lawngtlai | 0 | 0 | 0 | 0 | 0 | 0 | 0 | 0 |
6 | Zochachhuah | Lawngtlai | 0 | 0 | 0 | 0 | 0 | 0 | 0 | 0 |
7 | Archhunag | Lawngtlai | 0 | 0 | 0 | 0 | 0 | 0 | 0 | 0 |
8 | Siminasor | Lawngtlai | 0 | 0 | 0 | 0 | 0 | 0 | 0 | 0 |
9 | Kanhmun | Mamit | 0 | 0 | 0 | 0 | 0 | 0 | 0 | 0 |
10 | Zokhawthar | Champhai | 0 | 0 | 0 | 0 | 0 | 0 | 0 | 0 |
11 | Khawkawn | Champhai | 0 | 0 | 0 | 0 | 0 | 0 | 0 | 0 |
12 | Tuipui Ferry | Siaha | 0 | 0 | 0 | 0 | 0 | 0 | 0 | 0 |
13 | Kawlchaw | Siaha | 0 | 0 | 0 | 0 | 0 | 0 | 0 | 0 |
14 | Lungkawlh | Serchhip | 0 | 0 | 0 | 0 | 0 | 0 | 0 | 0 |
15 | Sailulak | Serchhip | 0 | 0 | 0 | 0 | 0 | 0 | 0 | 0 |
#LUNGLEI LEH HNAHTHIAL REPORT
LUNGLEI DISTRICT: No. of Home Quarantine (as on 27.3.2020 3:00 Pm) | ||
|
|
|
Sl No. | Village | No. of HQ |
1 | Pukpui | 5 |
2 | Zotlang | 9 |
3 | Serkawn | 48 |
4 | Zohnuai | 11 |
5 | Bazarveng | 54 |
6 | College Veng | 8 |
7 | Venghlun | 14 |
8 | Rahsiveng | 38 |
9 | Venglai | 19 |
10 | Electric Veng | 40 |
11 | Chanmari | 37 |
12 | Farm veng | 15 |
13 | Ramthar | 14 |
14 | Salem | 18 |
15 | Lunglawn | 44 |
16 | Sethlun | 13 |
17 | Luangmual | 8 |
18 | Theiriat | 24 |
19 | Zobawk | 15 |
20 | Hrangchalkawn | 6 |
21 | Ralvawng | Nil |
22 | Lungpuizawl | Nil |
23 | Hauruang | 1 |
24 | Vanhne | Nil |
25 | Thuampui | 3 |
| Sub-Total | 444 |
| PHC/CHC/SDH Area |
|
26 | Haulawng PHC | 32 |
27 | Lungsen PHC | 4 |
28 | Tlabung SDH | 80 |
29 | Bunghmun PHC | 10 |
30 | Buarpui PHC | 6 |
31 | Tawipui PHC | 50 |
| Sub-Total | 182 |
| ||
| HNAHTHIAL DISTRICT | |
32 | Thingsai PHC | 1 |
33 | Cherhlun PHC | Nil |
34 | S.Vanlaiphai PHC | 6 |
35 | Hnahthial CHC | 47 |
36 | Chhipphir PHC | 6 |
37 | Pangzawl PHC | 1 |
Sub-Total | 61 | |
38 | Quarantine Facility at Tlabung Tourist Lodge | 11 |
39 | Quarantine Facility at GHS Lunglei | 2 |
| All Total | 700 |
#AIZAWL DAILY QUARANTINE REPORT
DAILY REPORT ON STATUS AT QUARANTINE FACILITIES AS ON 27th March 2020, 4:00 PM | |||||||
Sl No | Location of Quarantine Facility/ Camp | Capacity | No. Of persons admitted on the date of report | Progressive Total | Number of persons committed to hospital for isolation on the date of report | Number of persons discharge for home quarantin e | Progressive Total |
1 | YHAI, Luangmual, Aizawl | 60 | Nil | 35 | Nil | Nil | 35 |
2 | Beraw, Tourist Lodge, Aizawl | 60 | 1 | 45 | Nil | Nil | 45 |
3 | PHC, Lengpui | 8 | Nil | 6 | Nil | Nil | 6 |
4 | Tourist Lodge, Lengpui | 20 | Nil | 2 | Nil | Nil | 2 |
5 | R Dengthuama Hall | 70 | Nil | 42 | Nil | Nil | 42 |
6 | Sesawng PS II | 15 | 1 | 1 | Nil | Nil | 1 |
7 | State Guest House | 26 | 2 | 2 | Nil | Nil | 2 |
| TOTAL |
| 4 | 133 | Nil | Nil | 133 |
