1970/2022-2023  

Dated Serchhip, the 17^th September, 2022: Vawiin khan Pu Divesh Chandra Srivastva, Director General of Police, Mizoram chuan Govt. Serchhip College ah Career Guidance & Counselling Cell leh NCC (Army & Air Wing) tangkawp ten   Programme an buatsaihah Resource Person niin a hun hmanpui a, Serchhip Police Station a tlawh bawk.

College ah hian DGP chuan, zirlai naupangte chu an hma hunah eng kawng pawh zawh dawn se a sang ber nih zel tum turin a chah a, chumi atan chuan taimakna, tumruhna, insumtheihna leh thuawihna te a pawimawh a ni, a ti. Mizote khawtlang huapa kan in enkawl dan chu tha hle a, aia upa zawk te, nu leh pa, khawtlang hruaitute leh kohhran lama thil tha kan inzirtir thin te hi nghet taka vawn tlat a pawimawh hle a ni.  Tin, hlawhtling tur chuan hriselna ngaih pawimawh pawh a tul hle tih hria ang u, taksa tichhe thei laka inthiarfihlim turin ka ngen che u a ni, a ti.  DGP chuan tunlai khawvel changkang zelah Social Media bawiha tang lo turin a fuih a, a tha zawng chauhva hmang a, an zirlai puitu atan chauh a hmang thin turin a chah a ni. Govt. Serchhip College NCC ten Guard of Honour tha taka an lo pe thei chuan a ti lawm hle tih sawiin, Uniform ha chi Programe lama inhmang tam turin zirlai kalkhawm te chah a. Force mite chu uniform nei an nih angin an Uniform chuan an zahawmna a keng tel a, anmahni vawngtu a ni tiin NCC Programe a inhmang zel turin zirlai kalkhawmte a sawm a ni. 

He hun hi Dr. Lalrinchhani, Asst.  Proffessor chuan kaihhruaiin, Pu Stephen Lalrinawma, SP Serchhip chuan inhmelhriattirna   leh inlawmna  hun a hmang a. Pi K. Laldinpuii, Principal chuan lawmthu sawiin hun a khar a ni.

Hemi hnuah hian DGP hian Serchhip Police Station tlawhin Police Station tuala Waiting Shed leh Police Station chhunga Guest Room an siam thar chu a hawng a. He hunah hian, Serchhip a a cham chhungin Police ten phur takin hna an thawk tih a hmu tih a sawi a, Serchhip Police Station tha taka an enkawl zia a hmuh avangtein thawktute chungah lawmthu a sawi bawk. Mizoram Police in ruihhlo man tam lama World Record an siamna kawngah Serchhip police te an thawk hlawk hle tih sawiin lawmthu a hrilh a, Mizoram hmun hrang hranga Police te thawhhona that vang a ni, a ti bawk. Pawikhawihna Case hrang hrang zingah rukruk case chu enzui uluk ngai bik anih thu a sawi a, Patroling pawh uluk zawka neih a pawimawh a ni, tiin, a ngaih pawimawh zualte a tarlang a ni.

He hun hi Police Station Officer Incharge SI C. Lalremthanga chuan a kaihruai a ni