DIRECTORATE OF INFORMATION & PUBLIC RELATIONS, Government of Mizoram, India

1969/2022-2023

Aizawl the 17the September, 2022 - Vawiin September ni 17, 2022 khan New Delhi a neih, Outlook Agri Tech Summit and Swaraj Awards Dt ni 14 September 2022-a Mizoram Sawrkar aiawha 'Best performing State in Agriculture among the North East States' lawmman dawngtu Pu C. Lalrinsanga, Agriculture Minister chu Agriculture Development Board leh Agriculture Department official ten Lengpui Airport ah hmuahna hun an hmang. Programme hi Pu J. Hmingthanmawia, Secretary, Agriculture Department in kaihruaiin Pu H. Biakzaua, MLA, Vice Chairman, Agriculture Development Board chuan inlawmna thu a sawi.

Lawmman hi Union Agriculture Minister Shri Narendra Singh Tomar chuan Pu C. Lalrinsanga Agriculture Minister, Mizoram hnenah a hlân a ni.

Pu C. Lalrinsanga, Agriculture Department chuan thusawiin “He lawmman hian phurna thar leh chona thar min pe a, kan hmalakna tlâwmtê, uanpui tham miah loh hmangin Pathianin kan ram a chawimawiah ka ngai. He lawmman hian kan Chief Minister, Pu Zoramthanga leh a sawrkar a chawimawi em em niin ka hmu. Vawiinah hian Zoram loneitu zawng zawngte taima leh rinawm taka hna thawk zel turin ka chah duh a, kan ram hi Pathianin malsawm a duh tih i hre thar zel ang u” a ti a ni.

He Summit ah Swaraj Award hi sem niin Category hrang hrang - Outstanding KVK, Outstanding FPO, Outstanding Scientist, Outstanding Institutions, Outstanding Farmer Cooeparatives, Outstanding State, Outstanding North East State, Outstanding Union Territory leh Outstanding Innovative Farmer ah te Award hi sem a ni a. Mizoram state hian Outstanding North East State in the Field of Agriculture a dawng a ni.

He Award hi Outlook Group in Association with Indian Council of Agriculture Research (ICAR) leh Ministry of Agriculture and Farmer's Welfare, Govt. of India tangkawp in an buatsaih a ni a.

He Award semna atân hîan Jury (Endiktu) panga (5) awmin chungte chu :-

Jury Chairperson : 1. Ashok Dalwai, IAS, CEO, National Rainfed Area Authority

Member-te :

2. Prof. Ram Badan Singh, Padma Bhusan Awardee,etc.

3. Pramod Kumar Joshi, Director- South Asia International Food Policy Research Institute.

4. Sundeep Kumar Nayak, IAS, Director General National Productivity Council

5. Dina Nath Thakur, National President, Sahakar Bharti, te an ni.

Anni hîan Agriculture lama thawk tha ber an thlanna kawngah hian uluk leh fimkhur takin tehfung (Criteria) hrang hrang hmangin Award dawngtu tur te an thlang a. Kut hnathawktute tih phûr kawngah, CSS kalpui dân phungah, Agriculture thiam thil leh a hman dân inhrilh hriat kawngah, Khawl hman tam kawngah, Organic farming kalpui chungchangah, Agriculture leh a kaihhnawiha State Sawrkar hmalakna, Kut hnathawktute thiamna leh zirtirna pêk kawngah, Covid hripui lên hunlaia lo neih leh hûan thlâi sîam kawnga State pum anga hmalak anih dân kawngah, GSDP than dân ah, mipui nawlpuiin lo neih leh hûan siam kawnga tuina leh phûrna kan neih dânah, PFMS kalpui dânah te an ti tha tawk em tih an endik a ni.

Award dawnna ah hian Pu James Vanlalluaia, Additional Director leh Official dangte'n Agriculture Minister Pu C. Lalrinsanga hi an tâwiawm a ni.

Attachment