1968/2022-2023  

Aizawl the 17the September, 2022 - Women & Child Development Department-in kum tin September thlaa an hman ṭhin Rashtriya POSHAN Maah (Nutrition Month) hman mekah vawiin khan Anganwadi Worker’s Training Centre, Laipuitlangah Food Fest neih a ni a. Pi Lawmchhungi, Chairperson Mizoram State Commission for Women chu khuallian a ni.

Khuallian Pi Lawmchhungi chuan Poshan Maah hman chhan Poshan Abhiyaan thiltum hlen chhuak turin Mizoram Sawrkar Women & Child Development Department-in an thawh țhatzia a lang zel a, ram pawhin hma a sawn phah ngei a beisei, tih a sawi a. Naupang thanthu tihtlem kawngah te, Anaemia enkawlna kawnga hmalakna te, Naute chaw pek dan, enkawl dan leh ei leh in hriselna kawnga hma an lakna hrang hrang te chhungkaw tam takin an hlawkpui em em a ni, a ti. Pu Lawmchhungi chuan India ram pum huapa POSHAN Abhiyaan hmalakna kawngah Mizoram chuan lawmman pakhatna kawng hnihah a lo lakpui tawh a, hei hian thawktu te thawhrimna leh inpekna a tilang chiang hle, a ti a. National Commission for Women pawh hian POSHAN Maah a ngai pawimawh em em a, chuvangin Mizoram State Women Commission pawh WCD lam nen țanho a ngai zel dawn a ni, a ti.

Rashtriya POSHAN Maah hi kum 2018 atangin thlatin September thlaa hman țhin a ni a, kumin pawh hian Programme hrang hrang POSHAN Rally, Awareness (Digital Posters, Videos, Banners, Talk Show, Youtube Leh Social Media Platforms hrang hrang), Health Camp (BSUP Edentharah), indIgenous Toy Fair, Release of E-BOOK on Traditional Nutritious food leh vawin lamah Food Fest kan neih mekte hian hma lak mek a ni a. District tin hnuaia Project hrang hrang te’n Mizoram pumah an hmang ve mek bawk a ni. 

He Programme hi Pi Lallianpuii, Director Women & Child Development in a kaihruai a, Pi Zoramthangi, Joint Director chuan kalkhawmte lawm a thu a sawi a. Anganwadi Worker’s Training Centre Staff-ten Recipe Demonstration an nei a. Cooking Contest neih ni bawkin Government Zirtiri Residential Science College leh Anganwadi Centre Nu-te he cooking contest-ah hian an tel a ni.

Attachment

  • Loading attachment...