1967/2022-2023 

Lunglei the 17the September, 2022 - Sawrkar laipui Ministry of Housing & Urban Affairs buatsaih India pum hap faina intihsiakna Indian Swachhata League chu Lunglei District tan vawiin khan Lunglei HPC Vice Chairman Pu Lawmawma Tochhawng in Children’s Park a hawng. Lunglei District team hming hi Lunglei Legion Team tih a phuah a ni.

Pu Lawmawma Tochhawng MLA, Vice Chairman HPC chuan State pum huap khawpui fai lawmman lo dawng tawh Lunglei khawpuiin fai chhunzawm zel tura hma ala leh ta chu lawmawm a tih thu a sawi a. He Programme hian rah tha tak a chhuah ngei a beisei thu sawiin a huhova fai kan duh ang hian  mimal tinte  mahni, kan in chhungkhur, kan compound chin theuh leh kan veng ah theuh  fai hi i uar ang u a ti a. Midang tih turah dah lovin fai hi mitinte mawhphurhna ani tih hriain ke i pen tlang ang u tiin Lunglei District mipuite a sawm a ni.

Swachhata League kick off program pual hian Lunglei khawpui chhungah faina hnathlang neih niin Children’s Park leh Pukpui Centenary thenfai hna thawh a ni.