No.3349/2021-2022

Aizawl, the 10th December 2021 : Nizan khan I & PR Director Pi Lallianpuii chuan Mizo film thar ‘Nuteii Thingpui Dawr’ tih chu Vanapa Hall ah a tlangzarh .

Tlangzarh paha thu sawiin Pi Lallianpuii chuan tunhnaia Mizo film siamtute ah hmasawnna a sang hle a ni, a ti a. Mizo film hi kan hlut chho telh telh dawn a, film siamtu talent nei tha tak takte chu tang chho zel tur leh film tha tak tak siam tam turin a fuih a. Nuteii Thingpui dawr film siamtu H. Lalsangzela chu rim taka thawka film a siam zo thei chu a lawmpui hle tih a sawi a ni.

‘Nuteii Thingpui Dawr’ hi H. Lalsangzela siam, direct niin Zote Entertainment in a produce a ni a. He film hi psychological thriller a ni. Runmawi apps atanga en theih tura tih a ni.