No.3348/2021-2022

Aizawl, the 10th December 2021 : Vawiin chawhma khan State Level Sub Committee on Fire Prevention Committee chu an Chairman Pu TJ Lalnuntluanga, Minister, Environment Forest &Climate Change hovin SAD Conference Hall-ah an thukhawm a. Kum 2021 kum tira Mizoramin kangmei a tawrh nasat dan leh a nghawng te thlirho a ni.

Pu TJ Lalnuntluanga chuan nikuma harsatna kan tawhte thlir letin, kum thar lo awm tur atana ruahmanna hma taka kalpui a ni chu tha a tih thu a sawi a. Kan harsatna tawhte hre reng a, kum 2022 ?hal hmachhawn tura inpuahchahna tha tak neih a tul thu a sawi.

Committee chuan kum 2022-ah Fire Prevention week chu February ni 7 atanga February ni 12 inkarah hman ni se tiin a rel a. Kum 2022 kangmei ven thupui ( Theme) atan "Kangmei chhuak tur ven mitin mawhphurhna" tih chu thlan a ni a. Lo hal hun ni hnuhnung ber atan March ni 15, 2022 chu ruat a niin hemi hnu lama lo hal emaw, bawhchhiate chu dan hmanga hrem an nih theih nan District thuneituten ruahmanna siam se tiin rel a ni.

Kum danga tih thin dan ang bawkin, kum 2022 ah pawh kangmei ven kawnga titha zual district pathum leh, district tina titha zual khaw 3 thlan chhuah thin chu kalpui ni se tiin an rel bawk a ni.