Vawiin khan Finance Minister Pu Lalsawta hovin Agriculture Department hnuaia Research & Extention Directorate hnuaia hmalakna hrang hrang te leh hmachhawp te Agriculture Department Officers te leh KVK Scientist ten an sawiho.
Dr. H. Saithantluanga Director, Agriculture, Research & Extention chuan kum 2002 atanga Agriculture Department, Research & Extention in hma a lo lak tawh dante tarlangin State Department an nih anga Research Activity uar lehzual a kalpui a tul zia he meeting ah hian a sawilang a, Agriculture Department (R&E) chuan Mission, Vision leh Objective mumal tak neiin hmalak an tum dawn a ni tih a sawi bawk. Germplasm Conservation lama hmalak an tum thu tarlangin Mizoram a a thlai kan neih chi hrang hrang , tun hma atanga kan lo chin thin te hi a bo mai loh nana Indian Council of Agricultural Research (ICAR) te leh Protection of Plant Variety & Farmers Right Authority (PPV&FRA) te nen a hma an lo lak tawhna te A sawilanga, French Bean leh Vaimim leh Hmarchate chi hrang hrangte phei chu National Bureau of Plant Genetic Research (NBPGR) Centre ah zirchian leh a tul ang a hm alk chhunzawm tura thlen anih thu te a sawi lang a. Mizorama leilunga lo chin thin tawh thlaite hi State Variety anga recognized a nih theihna turin Department chuan State Variety release Committee-te siam a tumin hma a la dawn a ni a ti bawk.
Agriculture Department, Research & Extention in ngaihpawimawh hmasak tur Priotized Strategy a siam zingah hian Organic Farming, Seed Certification leh Climate Change Impact Adaptation leh Mitigation te a tel bawk a ni.
