No.1113/2020-2020

Tunlaiah mi thenkhat Methanol (Methyl alcohol) hmanga Hand sanitizer/Hand rub siam an awm tih hmuhchhuah a ni a. Methanol hi Wood spirit (zu chhe siamtu) a ni a, in emaw hipluh emaw, vuna hnawih emaw hian mihring tan a hlauhawm em em a ni. 10 ml atanga 30 ml lek hian mihring puitling a tihlum thei hial a ni.

Public health agencies ten an report danin Methanol hian Virus thah theihna a nei chaurau hle a, Covid-19 atan phei chuan a hmantlak loh a ni.

W.H.O. leh US FDA te, Public health agency hrang hrang ten Covid-19 atana Alcohol-based sanitizer atana tha an tih chu Ethyl alcohol (Ethanol) leh Isopropyl alcohol (2-Propanol)-te chauh hi an ni a. Chuvangin, tumahin Hand sanitizer/ Handrub leh Surface cleaner siamna atan Methanol (Methyl Alcohol) hmanglo turin mipuite Directorate of Health Services (Food & Drugs Administration Wing) chuan a hriattir a ni. Mipui-te pawhin thil leite nguntaka en a, hetiang atanga siam hand sanitizer emaw Hand rub leilo turin mipuite a ngen bawk a ni.