No.4688/2020-2021
Directorate of Health Services (Food & Drugs Administration Wing) chuan a hnuaia mi ang hian thuchhuah an siam-
Tunlaiin thalaite zingah damdawi hmansual a hluar hle reng a. Damdawi zuar zawng zawngte fimkhur taka damdawi hmansual theihte enkawl tura hriat nawntir kan ni. Heng damdawi ruih nana hman sual hluar ber berte hi prescription drugs an ni vek a. Prescription drugs reng reng chu prescription lehkha nei hnenah chauh lo chuan hralh khap tlat a ni tih i hre nawn theuh ang u.
Tin, tunlaiin nachhawkna damdawi chi khat Pregabalin chu damdawi dawr atanga zalen taka hralh niin, hman sualna a nasa thar em em tih hriat a ni a. Chuvangin, Pregabalin telna damdawi reng reng (tablets/capsules) chu prescription lehkha nei lo hnena hralh khap tlat a ni a. Dan bawhchhiaa he damdawi hralhchhuaktu chu a licence cancel sak a ni ang.
