Vawiin khan Pu. R. Lalzirliana, Minister, Rural Development Department ruahmanna angin Directorate of Rural Development Departmnet-a Officers-te leh Mizoram Chhunga Block Development Officer (BDO)-te chuan RD Conference Hall, Chanmari-ah meeting an nei.
He hun Directorate of Rural Development Department Officers te leh Block Development Officer meeting in a tum ber chu Zokhaw lam hmasawnna tura thawk BDO-ten chak, tha leh langtlang zawka hna an thawh theihna tura harsatna hrang hrang an tawhte sawihona a ni. Chak zawka hmalak a nih theih nan Staff in daih lohna phuhruk dan te, office leh quarter indaih lohna te, office leh quarter thawm thatna te, motor chungchanga harsatna leh training an mamawh dangte bakah thil dang dang chipchiar taka in hrilh hriatna neih a ni.
Meeting hi District wise-a koh khawm an ni a, Pu Lalhriatpuia Director in meeting kaihruaiin, ni 12.06.2017 khan Siaha leh Lawngtlai District puala neih a ni a, vawiinah Mamit leh Champhai District hmalakna thlir ho niin, Zirtawpni ni 16 leh ni 19 Thawhtanni hian Lunglei, Serchhip, Aizawl leh Kolasib District-te puala meeting neih leh a ni ang.
