643/2022-2023
Aizawl, the 26th May 2022: Vawiin khan SCERT Auditorium-ah Directorate of SCERT hnuaia B.Ed.Special Education (Hearing Impairment & Visual Impairment ) zirlaite chuan pianphunga rualbanlote zirna tih hmasawnna atana thiamna chi hrang hrang an zirte pholanna - Exhibition an nei a. He hun hi SCERT Director Pi Laldawngliani Chawngthu chuan khuallian niin a hman pui a ni.

He hun hi nilenga hman a niin chawhnu hunah B.Ed.Special Education (Hearing Impairment (H.I.) & Visual Impairment (V.I.) zirlai te tan kum tina hman thin angin ni 12 & 13 May, 2022 chhunga Annual Sport an neih Closing Function hun an hmang nghal bawk a. He programme an hmannaah hian IVth Semester (Visual Impairment)-a an zirlai C.Ludy (blind) chu Princess India Beauty Contest Runner Up-ah a in hlankai avangin Directorate of SCERT chuan chawimawina an hlan a ni. He hunah hian an infiamna lawmman te semin hun hlimawm tak an hmang zui nghal bawk a ni.

Tunah hian B.Ed.Special Education zirna (Insitution),Directorate of SCERT chuan zirlai (regular-a kal) 110 an nei mek a. Heng zirlai te hi IInd Semester leh IVth Semester zirlaite an ni a. B.Ed.Special Education India ram state hrang hrang hnuaia SCERT awmte zingah leh North East India-ah Hearing Impairment & Visual Impairment inkawpa zirna nei awm chhun chu Mizoram chiah a ni mek a ni.