Vawiin khan DC Conference Hall, Mamitah Disaster Management and Rehabillitation (DM&R), Aizawl bultumin Disaster Audit 2017 neih a ni a. Pi Lalbiaksangi, District Bawrhsap chuan khuallian niin a hmanpui. 

Khuallian chuan thu sawiin leimin vanga chhiatna a thlen lohna turin tuichhe paihna fimkhur tur leh tuihawk luankawr tha taka siam a pawimawhzia a sawi a. Chhiatna tuarte tanpuina tur sum (Relief fund) DM&R atanga awm thei ang ang ruahmansak a, hman mai theiha thuneitute kuta dah turin a ngen bawk. 

Pu Zosangliana, MPS, Jt.Director (Ops), DM&R chuan Keynote Address pein Mizoram chu tlangram a nih avangin chhiatrupna thleng thei reng a ni a. Hemi atana kan lo invenlawkna turin Department hrang hrangte chu Disaster Management Plan siam a, update reng turin a chah a ni. 

He hunah hian District Disaster Management Plan (DDMP) leh Office Disaster Management Plan (ODMP) atangin Presentation mi 9-in pein sawihona neih zawm nghal a ni. 

Vawiina Disaster Audit neih hi Pu H.Lianzela MCS, Addl.DC, Mamit chuan a kaihruai a. Dr.Lalrokima Chenkual, Asst.Director, DM&R leh K.Zohunsanga, Superintendent, DM&R te’n he hun hi an hmanpui bakah Fire & Emergency Department atangi Fire Extinquisher hman dan zirtirna (Demonstration) neih a ni bawk.