Vawiin chawhma khan Central YMA leh Disaster Management & Rehabilitation Depaetment buatsaihin Champhai Venglai Community Hall-ah Community Awareness Programme on Disaster Management cum Training For YMA Volunteers neih a ni.
He training hawngtu Pu V L Chama Hnamte, President Sub-Hqrs Champhai chuan thusawiin khawvelah chhiatrupna a thleng fo hian Mizoram hi min hel reng lo mai thei, chhiatrupna lo thleng thulha hmachhawn dan kan lo zir lawk chuan tawrhna nasa zawk lakah kan himin kan pumpelh thei a ni a ti.
Vawiin hian Pu Lalhruaitluanga hnen atangin "Rikrum thil a, YMA chetlakna" tih leh " Search & Rescue" chungchang ngaihthlak a ni. Chhiatrupna lo thlen thulha First Aid pek dan turte inzirtir a ni bawk.
