Ruahman lawk angin State Disaster Management Authority (SDMA) chuan Central YMA in a thlan bikte tan Central Training Institute (CTI) Sesawngah State Disaster Response Force Basic Training a buatsaih tan a. Batch thum tan training buatsaih tum niin batch khatah mi sawmthum zel an awm ang. Training hi kar hnih awh tura ruahman a ni.

Training ah hian Collapsed Structure Search and Rescue Operation (CSSR) leh Pre Hospital Treatment (PHT) ah te zirtirna pek an ni dawn a. YMA member thlan bikte tana buatsaih niin NDRF Hqrs., New Delhi atangin Asst. Commandant cum PRO Anil Shekhawat in a rawn hmanpui bakah Mizoram Home Guards Commandant Pu Rengpuia leh Central YMA atangin Disaster Management Sub-Committee Chairman Pu Lalhruaitluanga leh Secretary Pu Zochhuana ten hun an hmanpui a ni.

Batch hmasa bera traning te hi Aizawl khawpui chhung branch YMA hrang hrang atanga thlan an ni a. A dawt leh batch ah chuan Sub-Hqrs. YMA atanga thlan an ni thung ang.