Vawiin khan Ministry of Rural Development huaihawtin Vigyan Bhawan, New Delhi-ah DISHA ( District Development Coordination and Monitoring Committee) kum hnih tlin lawm nan India ram puma state hma la tha zual panga Mizoram, Kerela, Chhatisgarh, Uttarakhand leh Jharkhand te hnenah lawmman, Citation leh Certificate a hlan a. Shri Narendra Singh Tomar Union Minister, Rural Development Department leh Shri Ram Kripal Yadav, Minister of State, Rural Development Department atangin Lok Sabha MP Pu CL Ruala, Rural Development Department Commissioner & Secretary Pu Lalhmingthanga leh Rural Development Department Under Secretary Pu Paul L Khuma ten lawmman hi an dawng a ni.

State titha zual tehfung atan Ministry of Rural Development-in a hman chu India ram state ten DISHA hnuaia district tinin meeting an neih ngun dan, meeting minutes leh meeting neih lai thlalak DISHA website a an upload that dan leh meeting minutes/thuthlukna an bawhzui chak dan a ni. DISHA hnuaiah hian Lok Sabha leh Rajya Sabha MP-te Chairman leh Co-Chairman an ni a, district tina Deputy Commissioner leh Project Director, DRDA te kaihhruaina hnuaiah Central atanga scheme 42 thawh that dan enletna leh tha zawka an thawh theih nan a kawng sial nan Committee hian thu a rel thin a ni.