Vawiin chawhma dar 11:30 khan Lunglei Saikuti Hall-ah District Level Science Seminar 2013 SCERT Aizawl buatsaih in neih a ni. Pu R. Lalthakima, District Education Officer Lunglei in inkhawm kaihruaiin LAD Minister Pu PC. Lalthanliana chuan khuallian ni in Seminar hi a hawng a ni.

Pu PC. Lalthanliana chuan thu sawiin District Level Science Seminar buatsaih tu te chungah lawmthu a sawi a. High School level-a Science Seminar neih hi naupang te tan thil tangkaitak leh hlawhtlin thlak tak a ni a. Kan hriat te midangte hriat tir, Midangte hriatloh kan hriattir a in hrlihhriat tawn hi Seminar tangkaina a ni, a ti. Tunlai khawvelah Science and Technology lovin a kal theih loh a. hma sawn tur chuan tumruhna leh taihmakna a ngai a ni, a ti. Chuvangin Zofate hmasawn tur chuan Seminar hmantangkai a ngai a ni. Science & Technology a hma kan sawn chuan kan ram hian nasa takin hma a sawn ang. Zirlai te pawh tum mumal tak nei a lehkha zirturin a chah a, nuamsa taka lehkha zir hian hlawhtlinna a thlen kher lova, harsa taka lehkha zir te hian hlawhtlinna a nei zawk thin a ni. In tum ah tumruhna leh taihmakna nen a zir a ngaihthu a sawi. Lunglei Dist. tihmasawn tu leh ti mawitu ni theuh turin beiseina a nei a ni. Hlawhtlinpui tu ni theuh turin Seminar hi hmang tangkai turin zirlaite a chah a ni.

Kumin a District Level Science Seminar ah hian School 10 atangin an tel a. Ti tha 2 te hi State Level ah an tel anga, chuta ti tha zual 2 te chu National Level ah an tel leh ang.