National Rural Health Mission (NRHM) hmalakna thar ‘Rashtriya Bal Swasthya Karyakaram’ (RBSK) hian a tum bulpui ber chu khawtlang naupangte hriselna endik leh an that lohna awm hmuh chhuah hma a, a rang thei ang bera enkawlna pek a ni. He hmalakna thar hian naupang pianphunga rualbanlohna neite, natna leh tlakchham neite, an taksa leh rilru than chhohzel na a, midangte rualpawl pha chhiahlo nia hriatte hriselna a dah pawimawh hle a. Heng naupang laia hrisellohna te hian nasa takin chhungkaw tam takte tan sum leh pai a harsatna te bakah naupang thihna hial a thlen thei a ni tih hre chungin hmalakpui a ni.
RBSK hnuaiah hian taksa leh rilru lama hrisel lohna hrang hrang thlan chhuahbik 30 an awm a,Indiaram hmun hrang hrang ah mithahnem ngaite ruaiin heng team te hian natna/thatlohna hriatchhuah a, a tuldan ang zela a thlawna enkawlna pek te hi an hna thawh a ni a. He Programme hian naupiang hlin atanga naupang kum-18 thleng a huam a, Anganwadi centre te leh Government leh Government Aided School te a huamtel bawk a ni.
Mizoram ah chuan he Programme hi July ni 15 2013 atang khan kalpui tan a ni a, Dist. khawpui tin chu Hqrs. a hmangin team tin te hian district khat zel an bial a. Lunglei District ah hian mobile Health Team hnuaiah medical officer 3 leh Health Worker 2 awmin an ni hian ngawrh takin hna hi an kalpui a. Tun August thla chhung hian School 16 leh Anganwadi Centre 25 an tlawh a. A vaiin naupang 1227 an en a, an zinga naupang 247 te chu chiang leh zuala en turin Lunglei Civil Hospital ah refer an ni a. Naupang Refer te hi an kal man Rs. 100/- zel tumsak an ni a, RBSK kaltlanga damdawi In a kan refer te hi enchian an nih a, a tul anga enkawl na sangzawk pekngai nia Doctor ten an hria anih chuan investigation then khat (X-Ray, CT Scan leh Ultrasound) bakah Surgery thlan chhuah bikah senso engemaw chen chu Fund hmanga puihtheih an ni dawn a ni.
School leh Anganwadi Centre tlawhtur te hi SDEO/DEO te emaw CO ten an lo hrlih lawk tur a ngaih niin, Nu leh Pa te pawhin an fate hriselna dinhmun kimchang Doctor leh thawktu te hrilh in , treatment lak lai neite chuan treatment lakna lehkha pawimawh kentel tur a ni.
