Vawiin khan Lunglei Addl DC Pu Lalhmachhuana hovin DC's Office Chamber-ah District Advisory Committee on Youth Programme (DACYP) meeting neih a ni.

DACYP Secretary Pu Raj Kumar Joshi chuan Nehru Yuva Kendra (NYK)-in a tum ber chu thalaite nun a tha zawnga inkaihhruai leh ram rawngbawlna lama inhman tam tir a ni, a ti a. India rampumah NYK Zonal Office 28, District Office 623 awmin New Delhi-ah an pisapui a awm thu leh Mizoramah Youth Club 265 din a nih tawh thu a tarlang bawk.

Vawiin meeting-ah hian NYK hnuaia 'Annual Action Plan 2014-2015' chu enho a nih hnuah lungrual taka pawm a ni a. Youth Programme kalpui tum zinga langsar zualte chu:

1. Youth Club Development Programme - hnuaiah Youth Club te tichak a, thalaite tuina zawng thil hrang hrang tihpui tam theih nen hmalak nise.

2. Training on Youth Leadership and Community Development.

3. Theme based Awareness and Education Programme - hnuaiah illicit trafficking, tobacco, health, legal awareness, NREGS chungchangah te inzirtirna a zau thei ang bera neih nise.

4. Promotion of Sports - hnuaiah Youth Club hrang hrang hnena sport items pek leh Sports Meet huaihawt.

5. Skill Upgradation Training Programme for Women - hnuaiah puanthui/puantah, pickle siam, dhai/lassi/chips making, TV/Mobile repairing, carpentary leh cloth-dyeing, food processing.

6. Promotion of Folk Art & Culture.

7. Observance of Days of National & International Importance

8. District Youth Convention & Yuva Kriti

9. Award to Outstanding Youth Club.

Heng NKY programme te hi Lunglei bakah Lungsen, Hnahthial, Bunghmun ah neih tum a ni.