Aizawla Independence Day 2014 lawm dan tur rel in vawiin khan Aizawl DC Pu Franklin Laltinkhuma kaihhruaiin a office-ah Sorkar department hrang hrang leh tlawmngai pawl aiawhte an thukhawm.

Kumin Independence Day lawmna hi Aizawl Sipai Lammualah hman a ni ang a, Khuallian atan Chief Minister beisei a ni. Independence Day Parade hi Aizawl SP kutah dah niin, rehearsal hi August ni 5 (Thawhlehni) atang tan a ni ang a. Final rehearsal hi August ni 13 (Nilaini) a neih tur a duan a ni. Independence Day pual hian Volleyball, Basketball, Badminton (hmeichhia leh mipa theuh) leh Football-ah te inelna buatsaih tur a rel a ni bawk.

India zalenna champha lawmna tura inbuatsaihna peng hrang hranga mawhphur turte vawiin meeting-ah hian ruat fel a ni a. Aizawl SP kaihhruai Technical Committee chuan programme inpuahchahna leh tul dangte a bawhzui nghal dawn a ni.