1801/2024-2025
Siaha the 28th August 2024: Siaha District Agriculture Officer Pu R Lalrinawma chuan licence nei lova insecticides, fungicides leh herbicides kawl leh zuarte tan a hnuai tarlan ang hian thuchhuah a siam.
India ram dan Insecticides Act (1968) Sec 18(2) in a tarlan angin India ramchhungah insecticides zawrh phalna license nei lo tan Heng insecticides (rannung thahna), fungicides (thlai natna damdawi) leh Herbicides/weedicides ( hlo tur) lo kawl leh zawrh khap tlat an ni. Siaha district huam chhungah Insecticides zawrh phalna license tel lova heng thil te hi zuar kan lo awm a nih chuan titawp nghal tura hriattir kan ni. Lo zuar lui kan awm chuan an chungah he dan hmang hian action lak a ni ang.
