Vawiin  khan DC Conference Hall Treasury Square, Aizawl ah   Aizawl DC Pi A  Mathumma  kaihhruai na in  DAPCC meeting  neih a ni  a.  He meeting ah hian  Mizoram Sorkar Department  hnuaia  DAPCC member  te  leh  NGO hrang hranga  aiawh  te  an tel a ni.

Meeting kaihruaitu   District Bawrhsap  chuan  meeting neihchhan  leh  sawifiah na a neih hnu  in  meeting hmasa lama  thu dah te  sawi ho a nih hnu  in  Dr Zonuni  District  Programme Manager in  vawiin  thurel  tur te sawi hawngin  a sawi zau  nghal a. chumi  hnu ah  heng a hnuaia 

Agenda  te  hi sawizui  ho nghal a ni.

1. Mipui nawlpui zinga HI V/AIDS pung chho zelah hmalakna tur kawng hrang hrang  sawi ho a ni a, chu mi tan chuan  heng te hi  rawt an ni.

a) Hetiang lam  thawktu Link Worker te khawpui pawn lama hna chak zawka thawk thei tura thuam leh training pek.

b) ASHA te STI damdawi sem leh pekchhuah kawnga training pek.

c) MHIP ten nena thawhhona tih nun thar leh.

d) Kohhran leh NGO te inrawlh tarn tir tura hmalak.

e) High School zirlaibu a HIV/AIDS awareness chungchang telh.

2. PPP FICTC - Private damdawiin thlanchhuah sa panga (5) te HIV/AIDS testing ah confirmatory (3 tests) test ti thei tura hlankai.

3. Aizawl khaw pawn lam mi te tana ART damdawi lak awlsam zawk nan Phullen, Darlawn leh Thingsulthliah Block ah te Link ART dah theihdan tur te.

4. PLHIV (HIV Positive te) te ART la tura ART center hruaithlen ngei an nih theih nan a thawktu an mahni hruaithleng thintu (Field worker) te tan lawmman siam.

5. PLHIV te tana Social Support: Social Welfare Department, Food and Civil Supply Department. UD & PA Department hnuaia Scheme hrang hrang awm te la thei tura hma lakpui te an ni.