Pu John Rotluangliana, Honble Minister,  FCS &CA, Transport, Tourism, Bialtu MLA chuan vawiin khan a  bialchhung khua Dampui leh Dapchhuah a tlawh.

Bialtu MLA hian Dapchhuah khua-ah hian Community Hall NEDP Fund atanga sak tur lungphum a phum a,   MLA Fund atanga Dampui khua-a Community Hall sak mek chu a hmunah a tlawh bawk. Minister hian Sawrkar hmalakna hrang hrangte  mahni ta anga en a, a chhiat a thatah emaw a sak thu-ah te pawh mawhphurhna sang tak in nei a ni a ti. Dampui Community Hall sak hna zawh tep tawh chu a sak zawhna tur ngaihtuah tum a ni a ti bawk.

Bialtu MLA hi Khanthuam khua-a khawtlang hruaitute chuan an khaw pengah lo hmuakin khawtlang mamawh hrang hrangte an lo thlen a, hengte hi Bialtu Minister hian a theih ang anga tihhlawhtling tura hmalakpui zel a tum thu a sawi bawk a ni.

Pu John Rotluangliana, Bialtu Minister hi tunkar chhung hian a bial chhung Mamit-ah hun hmangin Sawrkar Function hrang hrangah te a tel ang.