1844/2026-2027

Dated Serchhip, the 18^th August 2026: Vawiin khan Serchhip District Aids Prevention and Control Committee chu an Chairman Bawrhsap Pu Paul L. Khuma hovin an thukhawm a, HIV/AIDS chungchanga Serchhip District dinhmun leh hmalakna hrang hrangte thlir ho niin AIDS darh zel tur ven nana chak lehzuala hmalak dan turte sawi ho a ni.

National AIDS Control Organisation, Ministry of Health & Family Welfare, Government of India-in Projected Population atanga District tinte tana target a duante,  95%-95%-99% target-a Serchhip District dinhmunte thlir ho a ni a, tun dinhmunah (July report) Serchhip District chu 77%-95%-96% a ni mek a ni. (95%-95%-99% awmzia chu target population atanga 95% ten an dinhmun an inhriat a, chungzinga 95% ten ART treatment an dawn a, 99% ten inenkawlna hmanga taksaa HIV hrikte an thunun tihna a ni)

Vawiin Meeting ah hian Serchhip District-in 95%-95%-99% target achieve theih nan HIV test leh fimkhur tura inzirtirna tur atana thingtlang khaw thlan bik (selected village) neih dan tur te, Mobile Van leh Damdawi In OPD-ahtea chak zawka test tih theih dan tur te, HIV/AIDS darh zel tur ven nan leh mumal zawka hmalak a nih theih nan, data mumal neih a, mahni dinhmun inhriatchian leh khawtlang hruaitute nena thawh ho dan tur hrang hrangte sawi ho niin sawrkar office hrang hrang leh school naupangte hnenahte uar lehzuala awareness/sensitization programme kalpui dan turte rel ho a ni.

Meeting-ah hian Serchhip District Sr. Chief Medical Officer Dr. Lallawmpuii, Dy. CMO Dr. Lallawmkimi Chhakchhuak, District Medical Superintendent Dr. ZD Lalmuanawma, ICTC hotute leh sawrkar mi pawimawh dangte an tel a ni.