Vawiin khan DC Conference Hall, Mamitah Pi Lalbiaksangi, District Bawrhsap hovin District Task Force On Immunization an thukhawm a. Intensified Pulse Polio Immunization (IPPI) 2nd Round leh Mission Indradanush (MI) 4th Phase 3rd Round thlirletna an neih bakah Indradanush 4th Phase 4th Round thlirlawkna neih a ni.

IPPI 2nd Round-ah hian Mamit District chhunga khaw 117 a naupang kum 5 hnuailam 10237 te chu hri danna pek an nih thu tarlan a ni a. Hei hi an target atanga 96.4% a ni a. Meeting-ah hian hri danna pekna kawnga an harsatna tawh hrang hrang sawiho niin a lehpeka hlawhtlinna tha lehzual zawk hmuh a nih theih nan hmalak dan tur sawiho nghal a ni bawk.

Mission Indradanush 4th Phase 3rd Round pawh thlirletna neih niin nausen kum hnih hnuailamah hri danna mi 59 pek niin chu chu target atanga 87% a ni a. Nu naupailai mek 25 hri danna hi pek niin an target atanga 83% hlawhtlinna an hmuh thu tarlan a ni. Indradanush 4th Phase 4th Round thlirlawkna neih zui nghal niin Mamit District chhunga khaw pasarih, Dilzawl, Zomuantlang, Khantlang, Belkhai, Hnahva, Silsuri ‘E’ leh Silsuri ‘W’ a naupang kum hnih hnuailam 55 leh nu naupailai 28 huamtir tura ruahmanna siam a ni bawk.

Vawiin thutkhawmnaah hian Chief Medical Officer (CMO) Mamit, District Medical Superintendent (DMS) Mamit, Senior Medical Officer (SMO) Mamit, Joint VC hruaitute bakah tlawmngaipawl hruaitute an tel a ni.