No.1170/2020-2020

Dated Serchhip, the 18th May, 2020: Vawiin chawhma dar 10:30 khan DC Meeting Hall Serchhip ah District Bawrhsap Dr. Lalzirmawia Chhangte, IAS hovin Serchhip khaw chhunga kohhran hrang hrang aiawhten state pawn atanga lo haw turte inkhunghranna tur hmun chungchang an sawi ho.

Bawrhsap Dr. Lalzirmawia Chhangte chuan kohhran hote chu sawrkar hmalakna tichaktu leh tiphurtu an ni, a ti a. Tunlai hrileng chungchanga kan inkaihhruaina leh inenkawl dante chu a tlachawpa ngaihtuah a nih fo avangin felhleh deuhte pawh thil awm thei a ni a. Chutih rual chuan kohhran hoten sawrkar thu zawm a, hrileng inkaichhawn lohna atana inven dan tur mithiamte sawi te pawh zawm tha tura ngenin, chhiatni thatni chungchangah pawh kan hnam tih dan leh sakhaw tih dante avanga hmalak a harsat chang awm thin mahse, mipui tlem thei ang ber pungkhawm thin tura hma la chhunzawm zel turin a chah bawk.

Vawiina inkawm hona ah hian Serchhip khaw chhunga Presbyterian kohhran 6 leh Mizoram Baptist Kohhran 3 aiawhte an tel a. Mizoram pawna kan district mi tangkhang mekte mi 407 in report tawhte an lo haw huna dahhranna tur atan kohhran Hall leh hmunhmate hman tangkai dan tur sawi ho niin, kohhran hrang hrang aiawh kalkhawmte chuan an hmunhma te chu sawrkarin a mamawh anih chuan hman a remchan thu an sawi a, kohhran thenkhat aiawhte chuan an hmunhma te hman anih chuan khunghran te ei leh in leh senso leh thil tul dangte thleng pawha tum sak an inhuam thu an sawi a ni. Hetianga kohhran hrang hrang aiawhte inpekna avangin hian Bawrhsap chuan lawmthu a sawi a, kohhran hmun hmate pawh a tul anga enfiah anih nghal tur thu a sawi bawk a ni.
Tun thlenga sawrkarin inkhunghranna tura a ruahman sa ah hian mi 488 dawl zo tura beisei niin, tunah hian mi 53 khunghran an awm mek a ni. Inkhunghranna hmun pakhatah hian hmun hran leh hun hranga lo haw te dah kawp a remchan loh avangin inkhunghranna hmun tur hi a remchang anga ngaihtuah belh zel a ngai a ni.

Vawiina inkawm hona ah hian Pu Pu HD. Lalpekmawia, MCS, Addl. DC, Pi C. Lalduhzuali, SDO (S), Pu Denny Lalchhuanmawia, SDC te an tel a. Kohhran hrang hrang aiawhte hi an kal