Vawiin khan DC Conference Hall Mamit-ah Pi Lalbiaksangi District Bawrhsap, Organising Committee Chairman ni bawk hovin Mamita Chapchar Kut 2017 hman dan tur rel a ni.
Meeting hian Chapchar Kut 2017 chu GSA Playground-ah Dar 11:00 AM ah hman nise tiin a rel a, Programme kimchang duan nghal a ni. Kumin Chapchar Kutah hian Mizo lam hrang hrang, Cheraw, Parlam, Chhawnglaizawn, Chai lam, Khual lam leh Chheih lam te entir tura ruahmanna siam a ni a, heng bakah hian kalkhawm mipuite tan Mizo infiamna hrang hrang, Insaihruipawh, Insuknawr, Kalchhet inkalsiakte hmanga intihsiakna neih tura rel niin kum danga lo tih tawh thin angin Chapchar Kut Miss leh hemi ni-a tleirawl leh naupang thuam mawi ber thlanna neih tura ruahman a ni. Chapchar Kut-a kal tur mipuite chu Mizo hnam ziarang lang thei tura inchei vek turin inhrilh thar leh nise an ti bawk.
Meeting-ah hian kumin Kut thlengtu atan Pi Lalbiaksangi District Bawrhsap chu ruat niin, hemi ni atana mawhphurhna leh chanvo hrang hrangte intuk nghal a ni.
