Nimin tlai khan Lunglei Gov’t College-ah National Assessment And Accreditation Council (NAAC) aiawha lokal Peer Team te chuan February ni 15, 2017 atanga endik hna an thawh hnuin, an thil hmuh te report hlanna hun, Exit Meeting an nei a. Principal Pi Lalhmangaihi Hrahsel chuan he meeting hi a kaihruai a ni.

Peer Team Chairman Prof. Okhil Kumar Medhi chuan Lunglei Gov’t College-a thawktute an tanrual chuan, hma an sawn chhoh zel theih a rin thu a sawi a. Kan thiamna te zirlaite hnena zirtir duhtawk mai lovin, engtinnge vantlang mipuiin an chhawr tangkai theih ang tih kan ngaihtuah a ngai a ni, a ti a. Research hna tun aia bei nasa lehzual turin a chah bawk a ni.

Peer Team te chuan Lunglei Gov’t College-a Department 14 leh Support Services 8 te tlawhin, zirtirtu, zirlai leh nu leh pa te nen inkawmna hun an hmang a. An thil hmuh te report-a buatsaihin, Exit Meeting-ah hian a hlanna an nei a ni. Lunglei Gov’t College tana grading hi thla hnih hnu velah tarlan beisei a ni.

Peer Team-a lokal hi Prof. Okhil Kumar Medhi – Chairman, Former Vice-Chancellor, Guwahati University; Prof. JC Sharma – Coordiantor, Former Professor, Himachal Pradesh University leh Dr. Dilip Sarkar – Member, Principal, Maharaja Bir Bikram College, Tripura te an ni.