Vawiin khan Pu Rodney L. Ralte  IAS, District Bawrhsap, Mamit chuan a office ah chanchinbu mite kawmin ram hmasawnna atan thawhpuiah a sawm. District bawrhsap chuan chanchinbu mite chu  mipuite hnena thuthar thehdarhna kawngah mipuite a tha zawng leh tha lo zawnga kaihruai theitu an nih avangin an mawhphurhna a san thu a sawi a. Hetih rual hian thil dik lo chu huai taka puangchhuak ngam turin  a fuih. Bawrhsap chuan District Administrator leh MJA member  te chu inthen hrang thei lo in hne tlat an nih thu sawiin kawng engkimah inpawh taka thawhho a tul a ni a ti bawk.

He inkawmhona hunah hian MJA member te pawhin district chhunga thu thar thehdarhna kawnga harsatna an tawh hrang hrang te, internet tha lo lutuk te, advertisement chungchanga harsatna an tawh te leh Press Club neih ve thuai an duh thu te leh thil chi hrang hrang an sawichhuak a. District Bawrhsap chuan a theih ang kawng kawnga hma lak pui a tum thu a sawi bawk.

He inkawmhona ah hian MJA member te an tel tha hle a, District Bawrsap hi Pu A. Biaklawma, Addl. DC, Pu V.L. Remliana, SDO (Sadar) leh Pu C. Lalnunkima, IPRO ten an tawiawm a ni.