Kan hma lawka Village Council inthlan 2015 kan hmachhawn tura tan inbuatsaihna kal zelah vawiin khan District Election Officer Pu Vanlalngaihsaka chuan Mamit District chhunga Political Party hrang hrang aiawhte kawmin an in puahchah dante leh inthlanna felfai leh muanawm tak a awm theihna tura kawng hrang hranga thawhpui zel turin Party aiawhte a sawm. Inkawm hona ah hian Ballot Paper chungchanga buaina leh hriatthiam loh awm theite Election Officer Pu Malsawmtluanga chuan Party aiawhte hi a hrilhfiah a. Hei bakah hian District Election Officer chuan Ballot Paper chu uluk tak leh fimkhur taka buatsaih anih thu sawiin a hun taka semchhuah mai theih turin peihfel vek tawh anih thu a sawi bawk. DEO hian party aiawhte hi strong room a enpui bawk.

Mamit District-ah hian V/C 87 awmin seat 357 a awm a, heng seat tur hian candidates 927 (General 700, Reserved 227) an awm a ni. A pumpuiah General Seat chuh turin hmeichhe candidate 4 in hming an pe lut a, hmeichhe candidate zawng zawng hi Reserved Seat nena belhin 231 an ni. Tarlan tawh angin Mamit District ah hian voters 49109 an awm a ni.