Kolasib District a sorkar department hrang hrang ten inhmelhriatna tha an neih theih nan vawiin khan DC Conference Hall, Kolasib-ah District Bawrhsap thar Dr.Arun T, IAS hovin an thukhawm.
Bawrhsap thar chuan District a sorkar hnathawkte chu mipui rawngbawltu leh an tana thawk kan ni tih in hrereng tura chahin, sorkar hmalakna hrang hrang te a hlawhtlin ngei nana kalpui turin a ngen a. Ngaihtuahna thar hmanga Kolasib District in hmasawn zel nana hmala turin a chah bawk.
Vawiin thutkhawmnaah hian Department hrang hrang Office a hotute kalkhawmin, inhmelhriat tharna hun neih a ni a. District chhunga khuarel chhiatna thleng thut thei chungchanga a rang zawka inhrilhhriat nana Kolasib DC hmalakna thar 'Disaster Alert System', sms hmanga inhriattirna siam chu sawiho a ni a. He system hmang hian district a office hotute bakah khawtlang hruaitute hnenah sms hmangin hriattirna thawn a ni thin dawn a ni.
District Bawrhsap thar hian Department tinte an hmalakna hriatchianna atan a mal te te a April thla chhunga meeting neihpui a tum thu vawiin thutkhawmnaah hian a sawi a ni.
