Nimin khan khan District Child Protection Committee chu  DC Conference Hall, Mamit ah Pu H. Lianzela, Additional DC kaihruaina Mamit District chhunga Naupang dikna leh chanvo humhalhna kawnga hmalakna hrang hrangte thlirin thutkhwm a ni.

Meeting-ah hian Dr. R.Lalrinhlua, DCPO chuan kum 2017 chhunga case neih tawhte report pe in kum 2012-2017 chhunga case neih tawh zawng zawng comparison neih a ni a. Kum tinin case a pung zel a, naupang venhim leh enkawl ngai an pun mai bakah dan kalha che an pun zel thu a sawi bawk a. POCSO case chungchang sawifiahin DCPU chu naupangte tanpuitu, an sahimna tur an zawnna tur a ni a,  Mipat hmeichhiatna kawnga naupang tawhsual tawkte chu an pun zel thu sawiin mipuite pawh kan fimkhur a ngaih thu leh heng case hrang hranga harsatna tawk naupangte chu tanpui tura an inpeih reng thu a tarlang bawk.

Mamit District-ah hian Child Care Institution pali (4) awm tawhin Home-a naupang dah turte tan Child Welfare Committee (CWC) emaw Juvenile Justice Board (JJB) emaw thu lo chuan mahni thua naupang dah luh a theih tawh loh thu a sawi bawk.

Meeting-ah hian nikum 2016  atang khan naupang te chunga hleilenna leh dan bawhchhiatna chunga harsatna nei leh zawhna zawt duh tan darkar 24 chhung child line no 7085057230 ah zawh theih reng a nih thu meetingah hian tarlan a ni. Tun dinhmunah hian Shelter Home CPD-ICPS-ah naupang 25 awmin Little Angel Childrens Home-ah naupang 5 enkawl mek an ni a. Observation Home-ah naupang dan kalha che 15 leh Special Home-ah naupang pakhat (1) enkawlna pek mek an ni bawk.

District chhung RD Block pathum (3) ah leh Mamit khawpui leh a chhehvelah   DEO leh SDEO hmalakpui nain Child Protection Nodal Teacher te tan training program hlawhtling tak buatsaih thin a ni a, mi 278 zinga 225 te  training pek an ni tawh a ni.

Meeting-ah hian committee member CMO, DEO, Adll SP bakah President Sub Hqrs YMA te an tel a ni.