Vawiin khan DC Conference Hall, Mamit-ah District Child Protection Committee chu an Chairman Dr Lalrozama,IAS District Bawrhsap hovin thutkhawm a ni.

Meeting kaihruaitu Dr Lalrozama chuan Committee kalkhawmte chungah lawmthu a sawi a,  Mamit District chhunga naupangte chunga hleilenna laka chhanchhuak tura kan ke pen ti chak deuh deuh turin kalkhawmte a sawm a ni.

Dr Lalrinhlua, Member Secretary District Child Protection Committee chuan Kum kalta April 2018  - Feb 2019 chhunga Mamit District- a naupangte chunga hleilenna laka chhanchhuak tura tha thawh dan hrang hrang a lem nen report a pe a,  Mamit District- ah Naupang enkawlna Home pahnih awmin naupang humsual daite enkawlna hmun pakhat awm bawk,  Emau Specialized Adoption Agency pakhat a awm mek bawk a ni. POCSO cases ah hian kum 2018 April - Feb 2019 chhungin 14 neih a ni a, Kum 2018 April - 2019 Feb chhunga Juvenile Justice Board a cases lut hi 18 niin Child Welfare Committee Mamit-a cases lut hi 42 a ni bawk a, Child Welfare Committee hi Kum kalta chhung khan vawi 93 thutkhawm a ni a, Vawi 44 Home leh thildang tulah fehchhuahna an nei bawk. Naupangte dikna leh chanvo humhalhna Awarness Campaign hi kum 2018-2019 chhung khan District Child Protection Unit huaihawtin vawi 57 neih a ni bawk.

Cradle point & Cradle Baby Reception Centre chu ni 7th January, 2019 atangin  Emau Specialised Adoption Centre ah hawn thar a ni. Mamit Home hrang hrang-a harsatna an neihte an tarlang a, Mamit District Childline No 1098/7085057230 ah naupang harsatna tawk tanpui ngai emaw harsatna bik neite tan darkar 24 chhungin biak pawh theih a ni.

Member Secretary chuan ICPS in a tum ber chu naupang fahrah enkawltu neilo te home a dah tih tlem a ni a, Mizo zingah Naupang Adopt duh tun aia kan pun deuh deuh a tul thu a tarlang bawk a ni.

Meeting-ah hian District Child Protection Committee Members te an tel tha hle a ni.