Vawiin khan CEO Office buatsaihin NLUP Conference Hall ah Web-Casting, Poll Day Monitoring, Pollstar Election Management Service etc chungchang training buatsaih a ni a, Mizoram chhung hmun hrang hrang atang inthlan buaipui tur a ruat mi thahnemtak an tel a ni.

Vawiin Training hi thupui pali ah then niin Pu Krishna Mohan Uppu, Addl. CEO hnen atang "Web-Casting" chungchang zirho a ni a, Pu CC Lalchuangkima, Deputy CEO hnen atang " Election Duty Certificate" chungchang zir niin, Pu Kumar Abishek, OSD-in "Poll Star Election Management System" chungchang a zirtir a, Dr. Malsawmtluanga Fanchun, SLMT leh Pi H. Vanlalruatfeli, Programmer ten "Electronically transmitted Postal Ballot System (ETPBS)" chungchang an zirtir a ni.