Chief Electoral Officer Pu Ashish Kundra chuan a pisa ah Mizorama recognised political party hrang hrang aiawhte kawmin kan hma lawka inthlanpui lo awm tur chungchang an sawiho.

He thutkhawmna ah hian CEO Pu Ashish Kundra chuan political party aiawh te chu inthlanna ralmuang tak neih anih theih nan thawhpuiah a sawm a, tum dang ang bawka ralmuang taka Mizoram a inthlanna neih hi a tul a ni a ti. CEO chuan tun hma zawngin Bru Transit Camp, Tripura ah Election official te kalin Roll Revision leh Roll hearing te neih thin a ni a, vote pawh Transit Camp ah thlak thin a ni a ti a, MLA election neih zawh takah khan ECI chuan Bru Transit Camp a awm te chu Mizorama vote thlak tura thu pe in Kanhmun ah polling station siam sak an ni a, hei bakah hian roll revision leh hearing neih hnuhnun ber pawh kha Mizoram chhungah neih ani tawh a ni a ti bawk.

Political party hrang hrang aiawhte pawhin inthlan tluang tak leh felfai taka neih chu an duhthusam ber anih thu an sawi a, tunlai Mizoram politics a thil thleng chi hrang hrangte an sawiho a, Political party ten an ngaimawh leh an vei an sawi te chu ECI ah thlen sak vek anih tur thu CEO hian a sawi a, Tlawmngai pawl hrang hrangte leh Political Party te nen tha taka an thawhho zel a, inthlan hlawhtling taka neih anih ngei theih nan ke pen zel a pawimawh thu a sawi bawk.

CEO hi Pu H.Lianzela, Jt. CEO leh Pu Andrew H.Lalremruata, Media Officer ten an tawiawm a ni.