Vawiin dar 11:00 khan Champhai D.C Conference Hall-ah Pu Zoengsanga, Addl.D.C kaihhruai na in Champhai District Co-ordination meeting urhsun taka neih a ni.

Champhai District chhunga Head of Office hrang hrang kalkhawm te chuan an department chan theuh ah kum 2012-2013 chhunga Physical leh Financial a an hmalak tawhna leh hmachhawp te report pe in sawi ho a ni.

Meeting kaihruaitu Pu Zoengsanga. AddLD.C chuan District co-ordination meeting pawlmawhna leh department hrang hrang hnathawh dan Inhriatpawh tlan nan a tangkaina point hrang hrang a sawi a. Sawrkar hnathawk zawng zawngte bakah Head of Office te phei chu sawrkar hmalakna kawngah inlungrual leh inpawh tlang taka intawiawm tha tura ngenin Champhai District tihmingthatu ni chho zel turin a ngen nghal bawk a ni.

Meeting Chairman Pu Zoengsanga chuan tun hnaia Entertainment Champhai Dist huai hawta officer te puala Officer Nite an huaihawt tur chu tha a tih thu a sawi rualin Champhai Officer te tunhma leh tun thlenga inlungrualna leh inpawh na tha tak neia an tanrualna ah lawmthu a sawi a, chhunzawm zel turin a sawm nghal a ni. Champhai District hmasawnna tura tun hnaia Aizawl a hotu lian a bikin Chief Secretary leh Engineer-in-Chief, PWD a zuk hmuh dan report a pe nghal bawk a, District chhunga Khawbung, Ngopa leh Zokhawthar inkalpawhna kawng phei chu bawhzui ran dan tur an sawi ho dan report a pe nghal a ni.

Sawrkar kum 2012-2013 chhunga an department hnathawh dan leh an harsatna Head of Office theuh ten an report chu he meeting ah hian ngaihthlak a ni a, Champhai District chhunga Officer te chu he meeting ah hian an tel tha hle a ni.