1572/2025-2026

Aizawl;the 24^th  September,2025: Vawiin chawhnu khan DC confrence Hall-ah DCC/DLRC/DLSC meeting neih a ni a.Meeting hi District bawrhsap Er.Lalhriatpuia IAS in kaihruaiin,meeting-ah hian   Quarter ended March,2025 & June, 2025 inkara Aizawl district chhunga  Bank hrang hrang te hnathawh  leh hmalakna te thlir hova, huang zau taka sawi ho a ni. Committee 3 te Chairman  leh bawrhsap ni bawk Pu Hriatpuia chuan vawiin DCC/DLRC/DLSR  quarterly meeting hi  Bank hrang hrang ten engtin nge mipui rawng an bawl tih enletna te, hmasawn an ngaina leh tan an lak zual ngaina  lai te, sawrkar department nen thawhho dan tur te,  sawihona leh  inhrialhriatna  platform  a nih avangin meeting pawimawh tak a ni a. Chhan tha tak awm lova, meeting ngai pawimawh lova, lo tel lo bank an awm chuan an lakah kan thikthu pawh kan tichhe viau mai thei a ni, a ti.

Vawiin meeting-ah hian agenda hrang hrang heng:

1.Deposits,Advances&Credit Deposit Ratio

2.Review of Credit Disbursement of Banks under ACP

3.Progress Report under KCC

4.Review of Performance  under Government sponsored schemes

5.Progress report under Pradhan Mantri MUDRA Yojana(PMMY)

6.Review of Progress  under  Financial Inclusion  Plan

7.Review of Non Performing Assets(NPA) te hi chhawpchhuah niin, ngunthluk taka sawiho a ni.

Aizawl District chhungah hian quarter ended March,2025 (CD Ratio-45.35%)aiin quarter ended June,2025 (CD Ratio-44.23%) ah hian CD Ratio 1.12% in a tla hniam a. Quarter ended June,2025-ah hian CD ratio tam ber hi Indian Bank niin, 473.24% a ni a. A tlem ber hi Axis Bank niin, 9.17% a ni thung.

Aizawl district chhungah hian Bank 26 awmin, chung zing atang chuan CD ratio 20% hnuailam  Bank 6 an awm a.20% to 30% inkar nei Bank 4  awmin,30% to 40%  inkar nei bank an awm lova, 40% aia tam CD Ratio tam Bank 16 an awm mek a ni. Annual Credit Plan hnuaiah hian Agriculture sector hnuaia 25 37% achievement awmin, MSME sector hnuaiah 61.21% leh Other Priority Sector hnuaiah 21.01%, a vaiin 49.54% a ni. He quarter 2 chhung hian KCC hnuaiah loan pekchhuak hi Rs.2155.98 lakhs a tling.

Government  Sponsored Schemes ,heng:NRLM,NULM PMEGP leh Stand Up India(SUI) hmalakna leh achievement te thlirho a ni a.Hmasawn ngaina leh tanlak ngaina lai te sawiho a ni bawk.PMMY hnuaiah hian quarter ended March,2025 ah  mi 8425 hnenah loan avaiin Rs.13837.54 lakhs pek chhuah a ni . Quarter ended June,2025 chhung hian mi 4941 hnenah avaiin Rs.5100.87 lakhs pek chhuah a ni bawk. Financial Inclusion hnuaiah hian PMJDY account hawnga Aadhaar card nena link tawh hi 73842 an awm a. Social Security Schemes heng PMJJBY,PMSBY leh AYP hnuaiah hian avaiin mi 121336 an in enrolled tawh bawk a ni.