1573/2025-2026

Khawzawl, dated 24th September 2025: Vawiin chawhma dar 11:30am khan DC Auditorium Khawzawlah District Planning Committee te an thukhawm a, Bawrhsap Pu K. Vanlalthiana’n a kaihruai.

He hunah hian Pi Jessie Vanlalruati, Sr. Research Officer-cum-Under Secretary, P&PID (RDB) in member lo kal te hnenah Planning Department hnuaia Schemes leh Programme awm hrang hrang te hnathawh dan leh sum awmdan zirtirna leh inhrilhhriatna hun a hmang a. Zawhna leh chhanna hun hman nghal a ni. Heng bakah hian Mizoram Sawrkar in tunhnaia guideline a chhuahthar ‘Guidelines for Mizoram District Transformation Programme’ chungchang zirchianna hun leh hmalak dan tur te sawiho nghal a ni bawk.

He hunah hian District Planning Committee memberte kim takin an tel a ni.