Vawiin chawhnu khan DC's Conference Hall, Lunglei ah Pi K. Lalrinzuali, Deputy Commissioner leh Chairman District Consultative Committee Meeting kaihruaina  in District Consultative Committee Meeting, Distrcit Level Review Committee Meeting leh District Level Security Committee Meeting quarter ending Deccember 2018 chhunga Bank hrang hrang hmalakna leh thlirletna hun hman  ani. He meeting ah hian Lead Bank, RBI, NABARD, SBI, Canara, Axis,HDFC leh Apex Bank te bakah Line Department hrang hrang te an tel .

Pu Sapramthanga, State Bank of India, Chief Manager Lead Bank Office, Lunglei chuan Bank hrang hrang aiawh leh line Dept. te he meeting a antel avangin lawmthu a sawi a. DCC/DLRC leh DLSC Meeting a Agenda Bank Security chunghang ngaituah hona ah Bank hrang hrang ten Bank Security an neih vek bakah CCTV, Fire Extinguisher, Alarm System leh Police petrol log book te dahin an enkawl that thu tarlan ani. Pawisa thirtlang Bank zawng zawngin dawng tura tih niin pawisa note chhia thlengna ah harsatna siam lo tura tih ani bawk. Stand-Up India ,Pradhan Mantri Awas Yojana leh Women Self Help Group  te chak taka kalpui  dan tur te sawi ho ani.DLRC chuan December 2018 thlenga Lunglei District Credit/Deposit ratio chu 53.01% ani a, Priority Sector Advance ah 65.66%, Agriculture loan 1.04%, Priority Sector ah 65.56% ani. KCC target 2.39%, Education loan ah 0.77%, Housing Segment ah 34.37% bakah SEP of NULM,SHG Credit Linkage hmalakna te, PMEGP, PMMY(MUDRA),PMJDY leh Minority loan chungchang a hmalakna te thlirho niin Bank thenkhatin target an tlin laiin Bank thenkhat tan tan lak a ngaih thu an sawi.Committee chuan Line Dept. kaltlanga loan chi hrang hrang pek chungchang ah harsatna siam lo tur ngen ani.