Vawiin khan District Consultative Committee (DCC)chu DC Conference Hall, Kolasib-ah an chairman Pu H.Lalengmawia, District Bawrhsap hovin an thukhawm.

Vawiin thutkhawmnaah hian DCC hmalakna hrang hrang thlirhovin, Crop Loan a hmalak dan te, Bank-in deposit a hmuh atanga Loan pek chhuah dan din hmun te leh Loan tam zawka pekchhuah a nihtheih dan tur te, Centrally Sponsored Scheme viz. PMEGP, SHG’s Linkage Scheme, NRLM, PMJDY etc.hnuaia Loan pekchhuahte, Credit Plan bawhzui that leh that lohteleh Financial Literacy chungchanga hmalakna te sawiho a ni a. Hei bakah hian Kolasib district chhunga security chungchang viz. security guards, CCTV etc. a hmasawn dan tur te pawh sawiho a ni. 31st June, 2016 thleng khan Kolasib district chhunga CD ratio chu 46.25% a ni a, CD ratio hi 60% aia hniam lo tur anih lain District chhunga bank thenkhat ten an phak loh avangin ratio hi a hniam ta a ni. Agricultural Loan 4.3%, MSME hnuaiah 15%, Housing Loan 33% tun 31st June thleng khan pek chhuah tawh a ni a, he tihlai hian UCO Bank chauhin Education Loan Rs.3.22 lakh tun quarter hmasaberah khan a pechhuak a ni. Kum 2016-2017 first quarter a Annual Credit Plan chu 14% a ni.

Meeting-ah hian DCC member te, RBI official, Aizawl atangin Lead Bank Manager, NABARD official leh DIPRO te an tel a ni.