Vawin 14th Sept 2016 hian Pu Joseph Lalhimpuia, Parliamentary Secretary, chuan Pu Ram Muivah, Secretary NEC chu a office ah a hmu a. Pu Joseph Lalhimpuia hian Secretary NEC hi Commerce and Industries Department hnuaia Project, NEC hnena lo theh luh tawh, Integrated Industrial promotion Centre (IIPC), Chaltlang-a sakna tur atana sum mamawh Rs.963.52 lakh NEC atanga dilna chungchang a sawipui a. Tunah hian Mizoramah Kut hnathawktute thar chhuah a bik takin Handloom & Handicraft pho chhuahna tur leh inzawrhna tur Exhibition hall leh Emporium tha tak an mamawh thute hrilhin he project a hlawh tlinnan theihtawp chhuahpui turin a ngen a ni.

Pu Muivah chuan NEC Budget a beitham thu a lo sawi a, kumkhatah Rs. 800 crore chauh dawngin heta Rs. 150 crore chu ruahmanna awm saa hman nghal niin. A bang la awm Rs.650 Crore atanga 80% vel chu project kal lai chhunzawm nan hman a nih thin thute a sawi bawk a. Heta tanga la bang chauh hi project thar atana hman theih a ni thu a sawi bawk. North East State ten a sum bang hi kan in sem rual thin thu leh NEC-in sum tam zawk a neih theihnan Mizoram Sorkar pawhin theih tawp chhuah pui se a duh thu lo hrilhin vawiin Commerce & Industries project pawh hi a theih ang anga lo en nawn a hma a lo lak tur thu a sawi a ni. Pu Josepha hian School Education Reforms Commission Recommendation tih hlawhtlinna tur infrastructure development plan state sawrkarin NECa a lo theh luh tawh chu tihhlawhtlin a nih theih ngei na turin NEC Secretary a sawipui bawk a ni.

Pu Josepha hi Pu Jacob Lalawmpuia, Dy Resident Commissioner, Shillong leh school Education officer ten an tawiawm a ni.