Vawiin khan DC Conference Hall Mamit-ah District chhunga rorelna felfai zawk a awm theih nan leh chak zawk a hma lak a nih theih nan District Coordination Committee meeting Pu Rodney L. Ralte IAS,  District Bawrhsap kaihhruaina in neih a ni.

He meeting ah hian District  Administor leh Department hrang hrang te lungrual tak leh inpawh taka thawhho a nih theih nan sorkar duh dan anga Performance Appraisal Report (PAR) pek dan tur te langtlang taka kan hnathawh te kan in hriat pawh theih nana Quarterly Progress Report  DC ah pek thin nise tih te, leave lak dawn in DC recommend-na tel a dil thin nise tih te leh Station chhuahsan dawnin District Bawrhsap phalna lak hmasak zel nise tih te, mipuite him zawk nan District  chhunga lirthei khalhtuten dan leh hrai hriatna kawnga inzirtirna awareness campaign buatsaih nise tih te rel in sawiho a ni.

District Bawrhsap chuan sorkar duh dan anga department hrang hrang  hmalakna leh hnathawhte a theih chen chen ah a hmun ah enfiah a tul dawn thu tarlangin Department hotute pawh district hmasawnna atan theihtawp chhuah turin a chah nghal bawk a ni. He meeting ah hian district  chhunga Head of Office  te an tel tha hle a ni.