Vawiin khan Anti Tobacco Squad Aizawl District chuan Chanmari Veng-ah Vaihlo khuahkhirhna dan zawm that a nih leh nih loh an enfiah a.  He hunah hian member te chu team 3 ah in then in Chanmari Veng huam chhunga Sorkar leh private Office hrang hrang te, dawr te leh Zirna In te endikin an  fang kual.

Pu Shurbir Singh, Deputy Commissioner leh Chairman Aizawl District ATS ho a Anti Tobacco Squad meeting in a rel angin team tin te hi Magistrate leh Police ten an tawiawm bawk a. Anti Tobacco Squad drive ah hian dawrkai tam takin vaihlo khuahkhirhna dan (COTPA) hnuaia  Section 6 – a vaihlo leh a kaihhnawih kumtling lo hnena hralh khap leh dawr neituten an board tar tur Kum 18 hnuailam hnena vaihlo hralh phal a nilo tih lanna an tar ngei tur a ni tih leh Section 6 – b in Zirna In leh a chhehvel Ft. 300 biala dawr neituten vaihlo leh a kaihhnawih reng reng zawrh khap a ni tih hre lo an la tam hle. Vaihlo khuahkhirhna dan (COTPA) hi veng hrang hrangah chak taka kalpui tum niin, Chanmari veng atang hian hmalak tan a ni. Anti Tobacco Squad Aizawl district te hian nasa zawka hma la in veng hrang hrangah te drive neih zel an tum.

Anti Tobacco Squad drive ah hian dan zawm tha te hi ATS ho chuan 100% Smoke Free an nih hriatpuina/lawmpuina thuziak a tar sak nghal bawk, chungte chu – Quality Tours & Travel; Overnite Express; New Horizon School; Airtel Office, Chanmari Ramhlun Road; United Bank of India (UBI) leh Vincent School te an ni.