Vawiin khan Chief Secretary Conference Hall-ah Chief Secretary Pu Vanhela Pachuau IAS hovin  Centralised Public Grievances Redress and Monitoring System (CPGRAMS) chungchang zirhona hun sorkar department hrang hrang aiawh ten an nei.

He system sawiho pui tura Central Team lokalte hi Chief Secretary Pu Vanhela Pachuau chuan lawmna thu sawiin an hotupa Pu Satish Kumar, Director, Public Grievances and International Cooperation, Govt. of India chuan he programme sawi hawnna hun hi a hmang a. India ram pumpuia mipuite harsatna leh lungawi lohna awm thin te, sorkar department hrang hrangten awlsam taka an lo dawn a, mipuite harsatna sutkianna kawnga tanpui thei tura On-line emaw Web-based hmanga hnathawh dan inzirtirna power point presentation hmangin NIC Technical Director P. Alfred-an a nei a. He system hman tangkai hi a that ruala Mizoram bik tana harsatna awm thei te - a bikin Internet pawh BSNL line ring kan nih avanga regular-a hmuh a har thu te sawiho a ni a. He team lokalte hian heng computer hmanga inbiak pawhna atana tul ang te pawh siam tha tura a tul anga hmalak ve an inhuam thu te sawiin he programme hi mipuite tan leh sorkar department tan pawh hna tha zawka thawk tura hmanraw tha tak anih tur thu te an sawiho a ni.